溫碧霞教妳做瑜伽抗疫
7個招式操練24吋纖腰
轉載自: Star.Starphoto、Jolly的今日星蹤, 查看全部相片請前往:
各位女士係咪好想擁有24吋蛇腰呢？女神溫碧霞(Irene)不單止樣貌Keep住靚靚不老，就連最難搞的肚腩位都Keep住零肥膏，依家依然只得24吋纖腰。Irene之所以身材及樣貌都保持長青，全靠每天都好勤力做瑜伽及踩單車，之前就算幾忙都好，都必定提早一小時起床做運動才開始工作。
近日因為新冠肺炎疫情，Irene做個盡責良好市民響應政府限聚令，取消曬所有大型工作及聚會，Irene更加勤力做運動，除了每天在家中加倍操練兩小時瑜伽、踩單車及跳繩之外，前日(18日)趁周未更一家三口出動遊船河出海游泳及曬太陽，順手曬一曬24吋纖腰，以健康運動來增強扺抗力對抗疫情。
要Keep住24吋蛇腰，女神強調本身都好容易肥，一直以來花了不少努力及汗水，她並公開操練出24吋纖腰的7個瑜伽招式：「之前去巴黎不停咁食，肥咗3磅返港變到105磅，條腰即刻粗咗1吋，最近好勤力做運動才返回102磅，返到之前的24吋腰，其實我唔係天生瘦，我都好容易肥，全靠每日我好努力做瑜伽、踩單車及跳繩，亦不會飲甜嘢，每日飲好多熱檸檬水，只要有恆心，每日瞓少一個鐘用來做運動，大家都可以有24吋腰。」
沒有留言:
發佈留言