劉小慧與大女蘇君蕎現身接受錄音訪問

 
李有毅、李國煒父子檔主持新城《Ben同Benson「Chur」到行》節目
劉小慧與大女蘇君蕎現身接受錄音訪問
小慧：兩位寶貝女是天賜最大禮物感謝蘇志威畀我完整豐富人生
Yumi：父母存在已經好足夠
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=53324
https://jollyc.blogspot.com
 
 
（香港 – 2025年5月8日）藝人劉小慧與大女兒蘇君蕎（Yumi）到新城廣播接受李有毅（Ben）和兒子李國煒（Benson）主持的《Ben同Benson『Chur』到行》錄音訪問，小慧在節目中提到當初是胞兄獲星探發掘，對方帶同她去試鏡，最終她獲得合約，並且邊拍廣告、電影邊讀書，之後更踏上歌星之路，小慧表示：「我五音唔係不全，但肯定唔係專業，唔似黎瑞恩係歌女，好細個已經係合唱團，當年寶麗金歌手全部實力派，但出咗啲偶像派又好成功，我一定係偶像派。」
 
Ben問小慧跟圈中那位藝人最好朋友？小慧直言是已故歌手李國祥（KC），她表示：「我之前做咗個訪問，一提起佢就係咁喊，今日好啲，冇喊。KC係我一生人裡面最好嘅朋友，佢知我最多秘密同最深入。（咁黎瑞恩呢？）佢都係好朋友，但好多時佢有佢忙，反而同KC就經常聯絡。」
 
小慧和丈夫蘇志威育有兩名女兒Yumi和細女蘇靖珺（Ina），小慧形容兩位寶貝女是上天賜她的最大禮物，她稱：「當然第一大禮物係我老公，冇佢就唔會有呢兩個女，佢畀咗我一個好完整嘅豐富人生。」Yumi則提到小時候不太理解媽咪，尤其覺得她十分長氣，現時反而學懂欣賞，她說：「其實媽咪係為我哋好，反而我好佩服佢開live講足成個鐘，好犀利，唔夠佢講。」
 
小慧即笑言：「冇人鍾意長氣，你唔講多次，佢哋根本當你無到，如果我講一次佢哋就做到，我想講半句添！」
 
問Yumi可有被星二代這個標籤所影響？她表示：「冇乜大影響，咁我真係嘛（星二代），反而對於外界聲音我會比較敏感，會有啲壓力，驚大家唔知點睇，如果我失敗咗會點呢，依家啲評語都好激烈，我都有啲怕，但呢一年我都會令自己再進步。（父母畀你最實際幫助係咩？）佢哋存在已經好足夠。」
 
詳細節目內容，請留意5月10日，晚上11時–凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/

 
 
 

網上節目《講乜靈嘢》

網上節目《講乜靈嘢》

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=25265

黎瑞恩與劉小慧、李國祥、藍公子主持的網上節目《講乜靈嘢》日前邀請了張智霖（Chilam）擔任嘉賓，Chilam在節目坦言是該節目的忠實粉絲，並在節目中爆了不少鮮為人知的秘密及對太太袁詠儀（靚靚）的心底話。

Chilam與小慧原來自小已認識對方，當時小慧的家姐就是Chilam的補習老師， Chilam更自爆曾試過補習到攰攰地又悶悶地時曾逗小慧的家姐：「不如瞓一陣先囉！」Chilam自小已很頑皮愛整蠱人家，曾有一次，因為補習老師「唔聽話」而作出懲罰，他將一杯水向老師照頭淋。此外，還大談了與太太靚靚生活趣事，欲知這對「模範夫妻」平時點樣相處，請登上https://youtu.be/03JgyH7qTs4 《講乜靈嘢》重溫內容。