全城齊睇東京奧運開幕禮@奧海城

 
全城齊睇東京奧運開幕禮@奧海城
2大視帝陳豪、王浩信
聯同實力歌手胡鴻鈞及人氣女星陳敏之、黃翠如、朱晨麗
奧海城與你齊撐國家隊及香港運動員
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46180
 
 
（2021年7月23日 – 香港）四年一度世界體壇盛事「2020東京奧運」，因新冠疫情而延期一年，終於今日正式揭幕，各地運動精英雲集東京，全力以赴，誓奪佳績。
 
今屆東京奧運有別以往，不設觀眾入場觀賞賽事。有見及此，奧海城 Olympian City今日於奧海城二期地下中庭直播東京奧運開幕禮，聯同2大視帝陳豪、王浩信，實力歌手胡鴻鈞、人氣女星陳敏之、黃翠如、朱晨麗及活動司儀崔建邦及張寶兒與全港市民一同見證這項盛事，同時齊撐國家隊及香港運動員！
 
活動開始前，香港前首席單車運動員洪松蔭及信和集團資產管理董事蔡碧林(Bella)聯同陳豪、黃翠如、王浩信及朱晨麗一同於台上進行簡單而隆重的啟動儀式，並邀請現場所有觀眾齊嗌口號（奧海城與你齊撐運動員！），現場氣氛即時被推高。及後，洪松蔭先生與大家分享了對香港單車隊於香港及世界賽事的睇法，並同時為有望奪金的香港單車隊隊員李慧詩同李海恩打氣，希望兩位有出色的表現，為港爭光！
 
活動於熱鬧的氛圍下啟動，一向熱愛運動的陳豪、王浩信、黃翠如及朱晨麗分別與現場朋友大玩一連串精采遊戲，大家都施展渾身解數，奇招盡出。激戰過後，各男女神都分享了自己最喜愛的奧運項目及關注的精英運動員，希望現場朋友都一起支持！
 
萬眾期待的東京奧運開幕禮隨後緊接開始，嘉賓與觀眾一同觀看，專注每一個開幕禮的表演項目，並不時以掌聲及歡呼聲以表支持。為了讓現場朋友留下更難忘的回憶，奧海城更邀請到胡鴻均親臨大唱多首新歌及陳敏之現場大送禮物，與眾同樂，現場氣氛相當熱鬧，活動於高潮完滿結束及預告7月31日奧海城有女排直播及8月5日場地單車直播！

 

朱晨麗為何廣沛誕下愛情結晶品

朱晨麗為何廣沛誕下愛情結晶品

仍身在蘇州自我隔離感覺似坐月

相約一班粉絲在網上追看《大醬園》度難忘情人節

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43409

無綫花旦朱晨麗（朱朱）主演新劇《大醬園》正在熱播中。她與緋聞男友何廣沛戲中感情線日趨白熱化，二人終「有情人終成眷屬」，朱朱「下嫁」廣沛後將陷生死邊緣，誕下二人的愛情結晶品！

結婚一日洞房後丈夫何廣沛就失踪，朱朱同何廣沛只能做一日夫妻就要守生寡呢？朱朱只肯劇透少少：「只可以透露小滿(朱朱飾)幫楓少(何廣沛飾)生咗個好可愛BB，其他劇情大家自己追啦，因為疫情好多人每晚都留喺家中追劇，我依家每日都留喺屋企唔敢出街，劇中只拍咗我生仔，冇拍坐月，感覺好似喺現實生活中畀我體驗下坐月，哈哈！希望疫情快啲過去，社會快啲恢復正常。」

談到拍產子戲，朱朱大讚幕後製作今次相當認真：「BB其實係道具嚟嘅，但係造得幾可亂真，無論皮膚同毛髮，仲加埋出世時血漿，真係好迫真！」完全沒有生產經驗的朱朱事前上網睇片「學習」：「自己真係冇呢方面嘅經驗，所以一定要做功課。今次真係發拍晒成個生產過程出嚟，我就全程係咁嗌，結果搞到第二日聲都沙晒。」

朱朱笑指自己將BB抱在懷裏，相當感動：「真係眼濕濕㗎，完全體驗到母親的偉大。我自己其實好鍾意小朋友，希望有朝一日能夠經歷女性人生嘅另一階段，懷孕生子，擁有自己嘅血脈。」

因為疫情仍留在蘇州自我隔離的朱朱做足市民責任足不出戶，日前情人節朱朱全日留在家中度過，約埋一班粉絲在網上一齊追劇《大醬園》，她開心說：「同fans喺網上一齊過情人節，都好難忘。雖然仍未播完，已經開始唔捨得，拍咗差不多五個月，同大家相處好開心，好有默契，尤其係萬家，希望有機會再聚再合作啦！」

開心出走杜拜《3日2夜》

開心出走杜拜《3日2夜》

朱晨麗獻出第一次給何廣沛

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43407

朱晨麗與緋聞男友何廣沛近日經常合作，在劇集《大醬園》談情之餘，之前仲一齊去杜拜拍旅遊節目《3日2夜》，二人朝夕相對幾天，看來感情都昇華不少。

朱朱為此更獻出多個第一次，她說：「第一次同何廣沛拍旅遊節目，第一次出埠拍呢類節目，第一次去杜拜，第一次去沙漠，第一次玩刺激高空跳傘，本來劇組取消咗呢個項目，但我極力要求，難得有呢個機會，點都要玩一次，年紀大未必再有呢個膽，趁依家仲夠膽就玩下留做紀念。」

對於杜拜的印象，朱朱表示以往認為只得天氣熱及金碧輝煌，沒想到親身感受過後是兩回事：「去到成個人都好舒服，建築物好靚，去旅行可以選擇杜拜，仲有室內滑雪場，麻雀雖然但設備齊全，乜都有得玩。」

而為了今趟旅程，朱朱特別訂造了幾套靚衫，連髮型也視乎不同環境及內容而轉變，過程間也趁機拍下不少靚相，朱朱說：「唔知會唔會係最後一次拍，要把握每次機會，做人都係，抱著最後一次心態就會做到最好，我好珍惜每一次拍攝機會，各方面都會做足準備。」

談到與緋聞男友同行，朱朱表示與對方已合作很久，並非常有默契，由於何廣沛拍攝綜藝經驗較多，所以拍攝期間也會向她指導：「佢會話畀我知點樣做會再好啲，撞出火花同話題，令到成件事會再搞笑啲，觀眾亦會投入啲，用學習心態去拍，所以拍得好愉快。」

孝順女朱晨麗難接受婆婆突然去世

孝順女朱晨麗難接受婆婆突然去世

留蘇州陪伴媽媽撫傷痛

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43391

花旦朱晨麗早前返老家蘇州過新年，順道陪伴雙親及年邁的婆婆，沒料日前卻突然傳來婆婆離世的噩耗，令朱朱一時間難以接受，但亦要接受現實，而連日來為婆婆身後事奔波的她，表示已送了婆婆最後一程，她說：「婆婆身後事搞好晒，係好傷心難過，唔捨得，但都唔及我媽咪，所以呢段時間成日陪住佢，陪伴係最貴重嘅禮物，尤其係屋企人，咁啱我未開新劇，所以呢排都喺會留喺蘇州。」

談到武漢肺炎肆虐，內地確診人數更不斷上升，朱朱表示也有留意疫情進展，如沒必要也不會外出，幸好出發前已準備好口罩及一定數量的消毒用品，所以不用四圍搜購，問到她何時返港？朱朱說：「會再留吓先，因為內地啲疫情都幾勁，我都唔會立亂郁住，不過為己為人，就算我返到香港都會進行自我隔離，希望快啲搵到解決方法，令到啲病者快啲康復。」

被活埋紅蟻堆 朱晨麗心痛

被活埋紅蟻堆 朱晨麗心痛

何廣沛迎娶朱朱

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43373

無綫花旦朱晨麗與緋聞男友何廣沛於電視劇《大醬園》演一對歡喜冤家，二人由鬥餐死變愛到難捨難離，於經歷種種困難後，最終有情人終成眷屬，結拜成為夫妻。

由於二人孭住緋聞情侶身份演出，令粉絲們看得非常入戲，其中一場講述朱朱被人打跛腳戲份，何廣沛不時安慰她，表現溫柔一面，令朱朱大為感動，她表示：「場戲講大家一齊經歷之後互相扶持，之後認定對方，佢見我隻腳跛住幫我按摩，好細心體貼，令我改觀，有少少開始戀愛感覺。」

另一場令朱朱印象深刻的戲份，就是何廣沛被活埋泥土中，朱朱透露劇組到一個出名多紅螞蟻的地方拍攝，期間還特別開出一個洞給何廣沛：「當時係夏天，見住佢都幾辛苦，又睇到好多紅螞蟻爬來爬去，佢只可以露出個頭，唔可以亂郁，我都擔心，真係驚佢畀蟻咬，場戲要我瘋狂掘泥救何廣沛離開泥土，感覺真係好真實，驚佢暈咗就唔知點算，好在最後都順利拍攝完成。」

朱晨麗新劇《大醬園》開播

朱晨麗新劇《大醬園》開播

與何廣沛出浴戲覺溫暖

感謝導演及工作人員敬業精神

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43293

TVB當紮花旦朱晨麗(朱朱)一劇接一劇，朱朱在剛播完的《多功能老婆》劇集中演技備受讚賞，明天(20日) 隨即開播另一部民初新劇《大醬園》乘勢追擊，TVB唔單止撮合朱晨麗與何廣沛這對緋聞男女在劇中由冤家變成夫妻，還安排兩人一場瀑布出浴戲。

劇情講朱朱一向都在瀑布下的水潭沖涼，朱朱如常在水潭沖涼，點知沖沖下擰轉臉赫然發現冤家何廣沛正在游泳，令到朱朱更加討厭佢，因為劇中朱朱一直未曾拍過拖，但被呢個男仔睇曬自己全相，就要對朱朱負責任，朱朱無可奈何下嫁何廣沛。雖然婚後朱朱仍然好討厭老公，但相處久了漸漸被老公改變了自己的內心世界。

拍攝呢場出浴戲，朱朱十分感激導演及工作人員：「我哋身後瀑布好靚，但水流好急，如果唔小心跣親或差錯腳就會好危險，導演同所有工作人員好有專業精神，為咗一個最靚鏡頭，完全不顧自身安全，好危險咁擒上擒落攞最靚角度，大家知道我唔識游水又唔識水性，特登請咗一位救生員，公司好鍚我，好多謝公司，拍攝時候救生員一直拉著我，驚我跣一跣就會被水沖走，正式開拍時才鬆手，呢場戲拍出來環境好靚好靚，好感謝大家的敬業精神。」

朱朱也很感謝何廣沛：「成個畫面好溫馨，我哋拍攝時需要鬧交，唔鍾意佢，但一停機佢（何廣沛）即刻過嚟拖著我隻手，扶著我，好有男士風度，雖然拍嗰日係最凍，但感覺好溫暖，因為呢場戲係講沖涼，唔可以穿任何救生衣及救生用具，身上冇入何救生用品，工作人員同何廣沛都好細心，一停機就拖實我，驚我畀水沖走。」

朱晨麗難忘《多功能老婆》與楊千嬅、陳煒拍床戲

朱晨麗難忘《多功能老婆》與楊千嬅、陳煒拍床戲

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=43129

TVB花旦朱晨麗(朱朱)與天后楊千嬅、陳煒在新劇《多功能老婆》中演三位感情要好的姊妹，三位戲假情真，現實中真的變成了好朋友，朱朱最難忘拍攝三位閨蜜的一場床上戲，與及一場三姊妹鬧交分手戲，也令她傷心難過。

朱朱坦言好懷念呢場床戲：「床上戲主要係講我哋三姊妹攤喺床上討論下美容，又講下八卦嘢，又傾下心事，呢場戲好好玩，拍得好開心好舒服，我哋笑到要NG，次次都係忍不住笑所以NG。」

朱朱表示《多功能老婆》拍得好開心，拍完後她非常唔捨得，大家都有保持聯絡、約見面、食飯、見面：「我哋三個變咗好朋友，千嬅會喺蘇州開演唱會，她邀請我同家人去欣賞，希望可以再一次親身去欣賞千嬅表演，學習她在舞台上的經驗。」

除了床戲，朱朱謂仲有一場戲令她真的感到傷心難過：「嗰場戲講我地三個要分開，姐妹之間難免有鬧交情況出現，我夾在中間，點樣去取捨，令到我好難忘，及真係好痛，個心好痛，因為拍時真係當咗佢地兩個係姐姐，當然戲裡面係閨蜜，當妳好投入時真係感受到嗰種痛，好唔捨得，而且拍呢場戲差不多到煞科，所以更加唔捨得，更加痛心，呢場戲好難忘。」

朱朱更稱讚楊千嬅真係好好戲：「無論千嬅喺出面幾多嘢做，又要做巡迴演唱會，又要拍電影，無論幾辛苦都好，她返到劇組都依然係一個好正能量的太陽女神，她的精神好值得我去學習，她的毅力非凡。人會熄機會累，但她都會帶返正能量畀大家，竹真係要學下，好欣賞她呢種精神。」