34C袁晴晴處女寫真空降書展

 
2024香港書展:
34C袁晴晴處女寫真空降書展
廣州粉絲來港掃二十本寫真
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52354
https://jollyc.blogspot.com
 
 
     34C寫真女模- 袁晴晴(CoCo Yuen)推出處女寫真《愛•晴 Love Princess C》 今日以性感空降書展,書中更不乏韓國外景拍攝以及全裸上陣造型。CoCo表示好興奮圓夢出寫真書, 以前讀書時期成日去書展, 今次終於到自己出書。為咗答謝一直支持佢嘅人, 親手準備手作小禮物比粉絲, 成晚都無瞓覺。更提早找嚟本地時裝設計師為自己準備性感造型登陸書展,與粉絲零距離互動。其中有一名廣州男粉絲晨早搭火車去會場支持CoCo, 以實質行動購買二十本寫真, 認真毫氣。CoCo表示對自己的寫真銷量很有信心: 「多謝今日咁多朋友請假都嚟支持我, 放工時段仲會有更多朋友到場。亦好開心書商通知我有不少網上訂購訂單。首批寫真印咗2000本, 希望成績愈來愈好, 可以出第二版。到時可能加入更多首批末能節錄的相片及更突破的造型照。」
 
     問到今年都有好多唔同女仔推出寫真集, 也有台灣過江龍到場參與寫真戰。CoCo坦言沒有視任何人為對手。對於下一環節的邱晴即將到同一攤位, 她說剛剛有看過她的新作。並準備了二千蚊去買今年所有女模寫真集同旅遊書,回來去慢慢參考參考。

袁晴晴自資六位數出寫真 飛韓國請天團BTS御用化妝師化妝

 
2024書展寫真:
袁晴晴自資六位數出寫真 飛韓國請天團BTS御用化妝師化妝
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52336
https://jollyc.blogspot.com
 
 
     今年將於書展首次推出其寫真集的女模袁晴晴(CoCo)入行10年，擁有34C的她趁今年書展推出全裸寫真集，遠赴韓國及在港取景，近日率先分享當中的黑色女神造型，而寫真內的造型同樣百變，更玩全裸出浴等，無底線豁出去。
 
    問CoCo今次出書算是不惜工本嗎？ CoCo表示今次為咗想營造最靚嘅效果同埋俾大家睇到韓國浪漫愛情韓劇嘅氛圍，所以大費周章專程飛去韓國拍攝，仲聘請在當地嘅韓國天團BTS嘅御用化妝師，幫佢嘅寫真造型化妝，真係落足重本同誠意。CoCo：其實我本身都識化妝，不過我覺得韓妝係一種好高技巧嘅化妝學問，所以希望聘請專業嘅化妝師幫我去完成造型上嘅部份，出嚟嘅效果會係最似韓妹最靚！問CoCo用韓星御用嘅化妝師有啲咩感覺，CoCo：我真係覺得化完妝之後我靚咗哈哈！可能佢哋嘅專業就係識得根據你嘅輪廓去將你嘅優點放大，化妝師表示我本身嘅五官比例都靚，所以唔適合太濃妝，會更加自然同埋似韓劇女主角，可能我以後都要改行淡妝路線哈哈。希望出嚟效果大家都會覺得好睇啦，最緊要係有韓劇女主角嘅浪漫氛圍。
 
     問CoCo今次點解會揀飛去韓國拍攝寫真呢？因為我好鍾意韓國文化，講起愛情我覺得韓劇好浪漫，而今次我本寫真嘅主題係講愛情，所以希望比大家嘅感覺係甜蜜少女嘅，所以專程去咗好多著名韓劇拍攝嘅地方踩點取景，希望大家睇嘅時候有浪漫嘅氛圍，感覺好sweet嘅！
 
     Coco更預告將於書展首日(7月17日)中午12時以性感造型空降書展。對於圓夢首次帶自己作品登陸書展CoCo大表興奮，期待同粉絲零距離接觸。

 

 

袁晴晴全裸出浴望多吸女粉: 「好耐無人幫我擦背」

 
2024書展性感寫真:
袁晴晴全裸出浴望多吸女粉: 「好耐無人幫我擦背」
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52284
https://jollyc.blogspot.com
 
 
     今年將於書展首次推出其性感寫真集的女模袁晴晴(CoCo)早前在拍攝寫真探班時預告有一輯全裸浴缸出浴照引得網民及粉絲熱議。凡事親力親為的她正在為寫真排版及作最後校對,於深夜卻難免呻攰,連踩24小時的她話想盡快趕工。然後飛去自己鍾意嘅溫泉浸下揼下骨放鬆下: 「自己自細鍾意韓國文化, 日韓嘅女仔成日都會約埋去浸溫泉或者去汗蒸幕。好想好想好似佢哋咁即刻飛過去Relax下。」 說到推出全裸浴缸出浴照又咁鍾意浸溫泉, 可有諗過如果寫真銷情理想為慶功同粉絲一齊共浴? 佢好爽快話Why Not? 不過之後笑說Only For Girls, 只限女粉絲限定! 她繼說自己好鍾意去浸溫泉流一身汗之後好精神嘅感覺: 「好懷念讀書時自己做Part Time儲錢同一個女閨蜜去日本旅行浸溫泉,大家肉帛相見, 幫大家擦背,赤裸談女生心事。諗起宜家好耐無人幫我擦背啦!」
 
      今次出處女寫真除咗引嚟一眾宅男粉絲期待以外, CoCo話都想吸引一啲女仔粉絲: 「所以我本書加咗好多女仔愛情觀。加上喺韓國首爾拍攝時去咗好多韓劇中女仔同韓國Oppa拍拖嘅真實景點。希望女粉都可以隔空感受到, 買嚟支持睇完後當我係好姊妹咁分享女生愛情私密故事。」

Coco袁晴晴榮升老闆娘即獲頒傑出年青女企業家大獎

Coco袁晴晴榮升老闆娘即獲頒傑出年青女企業家大獎

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=40514

 

 

藝人袁晴晴（CoCo）轉型首次進軍商界，榮升老闆娘後即獲頒傑出年青女企業家大獎。日前CoCo出席香港網商會優秀品牌頒獎典禮，被提名成為傑出年青女企業家，並由商務及經濟發展局副局長陳百里博士頒發獎項給她。

 

CoCo獲獎後發表得獎感言，她感動表示這是她首次在商界獲得的獎項，可謂是人生轉捩點。「其實從事演藝表演工作有七至八年經驗，要轉型做生意，從商之路絕對不容易走。做生意方面我年資尚淺，可是我覺得凡事也要親力親為，這是品牌建立的重要性。」CoCo還揚言有信心從台灣帶來香港的過江龍品牌在她的推廣下，會為香港台式茶飲市場掀起一股新的潮流，期望大家用時間見證她的努力與成果。