江若琳接受薛家燕、范振鋒、思敏《開心大派對》深情訪談

 
江若琳接受薛家燕、范振鋒、思敏《開心大派對》深情訪談
與老公相遇到結婚陪伴度過艱難10年
爆老公唱歌囝囝冇反應
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52527
https://jollyc.blogspot.com
 
 
(2024年8月29日– 香港)江若琳（Elanne）日前在新城廣播，亮相薛家燕、范振鋒和思敏主持的《開心大派對》節目，3位主持人表示已有10年沒跟對方做訪問，阿范憶述當年傾起江若琳離開舊公司後，決定北上掘金的經歷。家燕姐笑問：「點解掘完金有生煎包食？」
 
Elanne表示與老公蕭唯展（Oscar，前名蕭潤邦）是同期出道的歌手，但做了兩年，發現自己不適合娛樂圈，於是決定發展生煎包事業，「當年佢喺上海研發新菜式，咁啱我又喺上海拍戲，大家有機會食餐飯，但純粹係朋友嗰種約出嚟，因為平時食飯係一大班朋友，第一次同佢喺上海食飯，覺得有講唔完嘅話題，我亦好欣賞呢個男仔嘅魄力，傾到間舖都打烊，大家都覺得幾啱傾，約第二日再食多次飯。」阿范接著說：「起碼知道大家係單身先吖！」
 
Elanne指這就是重點。思敏追問她：「除咗啱傾之餘，有冇諗可以多一步了解？」Elanne十分決絕說：「冇！冇嘅！冇Feel，純粹係大家心底都好欣賞對方；隔咗幾日就返香港，大家都覺得幾好傾，可能佢本身都有啲嘢，再約我出嚟食飯。」阿范笑說：「你都有少少啦？唔係又嚟食飯？有冇咁多嘢傾呀？連續傾咗兩日，仲傾？幾欣賞都唔使傾幾日吖嘛！」Elanne聽到只懂得大笑，家燕姐則說：「咁好開心嘅，呢啲就係天賜良緣囉！」Elanne點頭認同：「係呀，所以要留意身邊嘅好朋友。」
 
與前經理人公司的合約糾紛官司終於完結，在這個低潮期，Elanne坦言感恩獲上天憐憫，最幸運是遇到老公，「喺呢10年，我開展咗自己新一頁，就係結咗婚，佢就攜手陪我度過呢個難關，跟住我嘅小朋友好聰明，喺官司完結之後先出現。」
 
談到14個月大的兒子蕭立鈞（Owen）很喜歡聽歌，尤其是媽媽的歌聲，Elanne甜笑說：「我成日都唱歌畀佢聽，我就唱《太陽伯伯》，但我發現我老公唱歌，佢冇反應，可能佢把聲比較沉，我就跳晒舞咁，我個仔好開心，每次都聽到拍晒手，好似Fans咁，所以我成日都話佢係我人生最細嘅歌迷。有次同阿仔返學，突然間諗，阿仔大個之後，我有冇一樣嘢令佢覺得驕傲。」於是Elanne決定重燃音樂夢。家燕姐笑說：「我好明白江若琳嘅感受，好似我個孫，我一唱《皆大歡喜》，佢就『唏呀唏呀唏呀唏呀唏』，咁細個就已經識，真係好開心，第二日要同佢一齊唱一齊跳。」
 
詳細精彩內容，請重溫8月24日，下午3- 4時，新城知訊台《開心大派對》節目，重溫網址：https://www.metroradio.com.hk/MetroInfo/

 

江若琳終回復自由身相隔7年為愛兒再出歌

 
江若琳終回復自由身相隔7年為愛兒再出歌
現身新城知訊台接受昆頓《說故事的人》深情訪問
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52491
https://jollyc.blogspot.com
 
 
(2024年8月15日 - 香港)江若琳（Elanne）到新城廣播接受昆頓主持的《說故事的人》錄音訪問，與前經理人公司的合約糾紛官司終於完結，回復自由身的Elanne，相隔7年再次以歌手身分推出新歌《一直留在心底的事》，藉以訴說自己的心聲，「你18歲嗰年許願大個想做咩，到大個又做唔做到？呢啲係好多人經歷，包括我自己，我好希望做好我嘅音樂，用番歌手身分唱歌畀大家聽。」
 
Elanne指以往因身不由己，很多時要被迫放棄唱歌向另一方面發展，雖然有工作已感到快樂，但內心仍是十分熱愛唱歌，「以前有好多遺憾，因為矛盾或者為生活，好多次被迫放棄唱歌，要過五關斬六將先唱到我要唱的歌，依家既然所有嘢（官司）已經完結咗，雨過天晴，我好想為自己活一次。」
 
而選擇再出歌，有部份原因是因為1歲的寶貝仔蕭立鈞（Owen），「我個仔好鍾意聽歌跳舞，佢好鍾意我唱歌畀佢聽，我唱兒歌，佢好似我粉絲咁，會由衷咁拍手掌，有一刻我望住佢，覺得佢大個之後，有咩令佢感到驕傲，唔通話阿媽經歷好多低潮同打咗場官司？另外就係有冇做一件令自已驕傲嘅事，我希望個仔大個，話佢聽無論遇到咩事，有夢就要去追。」
 
昆頓問Elanne有甚麼說話想跟18歲的自己說？Elanne表示會感謝昔日自己的熱血和勇敢，「我會好欣賞呢個女仔，當年為工作同理想5日唔瞓覺，喺冰天雪地，零下唔知幾多度跳落污水拍戲，仲要淋雨十幾個鐘，都未死得，諗番都唔知點生存落嚟；依家一啲都唔捱得，唔好叫我捱夜，我頂唔住架！好佩服以前自己，為理想完全忘我，又好儍咁，爭取一份正確嘅事，行一條好艱辛的路，唔知哪來嘅勇氣。」
 
詳細節目內容，請留意8月19日，晚上10:00 –10:30，新城知訊台《說故事的人》
網址：https://www.metroradio.com.hk/MetroInfo/

 

2022東方表行沙田錦標「時尚煲呔賽馬日」

 
城中名人及紳士淑女盛裝亮相2022東方表行沙田錦標「時尚煲呔賽馬日」
許廷鏗、余香凝、冼靖峰、江若琳、湛琪清、湯君慈、湯君耀、周漢寧、葉蘊儀、
樂瞳、吳嘉禧、關美薇、馬詠茹、馮榕榕、林暐翹、黃斯琪（CK）、趙展彤、
蕭唯展、冼康正及一眾名人嘉賓閃耀沙田馬場
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49312
https://jollyc.blogspot.com
 
 
一年一度的馬壇、表壇及時尚界盛事2022東方表行沙田錦標「時尚煲呔賽馬日」於2022年10月16日假沙田馬場隆重舉行。為響應大會主題「There is a Gentleman in Every Man」，一眾城中名人及貴賓好友佩戴煲呔或穿上配以蝴蝶結元素的盛裝出席，展示紳士風範與時尚魅力。為隆重其事，大會邀請著名歌手許廷鏗先生及剛獲得2022年度金馬獎提名的著名演員余香凝小姐聯同東方表行及香港賽馬會管理層主持揭幕儀式，江若琳小姐、湛琪清小姐、湯君慈先生及湯君耀先生則擔任名人模特兒，於名表時裝匯演盛裝登場，展示多款名貴腕表。其他出席名人嘉賓包括冼靖峰先生、周漢寧先生、葉蘊儀小姐、樂瞳小姐、吳嘉禧小姐、關美薇小姐、馬詠茹小姐、馮榕榕小姐、林暐翹小姐、黃斯琪小姐（CK）、趙展彤小姐、蕭唯展先生及冼康正先生等，名人雲集，星光熠熠。
 
是日的精采活動首先由CORUM卓越讓賽打響頭炮，簡單而隆重的揭幕儀式緊接舉行。司儀邀請東方表行董事總經理楊衍傑先生上台致辭，歡迎各界貴賓好友及業界同儕蒞臨出席。隨後，楊衍傑先生聯同香港賽馬會行政總裁應家柏先生，在許廷鏗先生及余香凝小姐陪同下主持切蛋糕儀式，慶祝2022東方表行沙田錦標「時尚煲呔賽馬日」順利舉行。其後，司儀隨即邀請其他主禮嘉賓包括楊衍傑夫人、香港賽馬會董事黃嘉純先生、香港賽馬會賽馬事務執行總監夏定安先生，以及東方表行執行董事楊敏儀女士上台主持祝酒儀式，正式為2022東方表行沙田錦標「時尚煲呔賽馬日」揭幕。當日許廷鏗先生身穿時尚有型的紳士西服，佩戴H. MOSER & CIE.亨利慕時名貴腕表，演繹溫文爾雅的紳士風度；而余香凝小姐則身穿由著名時裝設計師張永康先生設計、綴以蝴蝶結元素的禮服裙，並佩戴PIAGET伯爵名貴腕表，舉手投足間散發高貴優雅的氣質。
 
第三場賽事舉行後，名人模特兒江若琳小姐、湛琪清小姐、湯君慈先生及湯君耀先生率領四位模特兒，於馬匹凱旋門及馬會廂房分別上演名表時裝匯演。女士們身穿由著名時裝設計師張永康先生設計、以蝴蝶結為主題的瑰麗晚裝，而男士們則身穿由著名時裝品牌Suit Artisan設計的紳士西服，搭配時尚煲呔，以盛裝打扮示範八枚匠心獨運的腕表，包括CORUM崑崙表海軍上將38自動腕表、H. MOSER & CIE.亨利慕時Heritage傳承者兩地時間腕表、PIAGET伯爵PoloDate腕表、FRANCK MULLERVanguard Aqua Bleu腕表、IWC萬國錶大型飛行員Top Gun海軍空戰部隊腕表43、GIRARD-PERREGAUX芝柏表三飛橋陀飛輪腕表阿斯頓•馬丁特別版、GRAND SEIKO Evolution 9系列SLGH017腕表及PARMIGIANI FLEURIER帕瑪強尼Tonda PF鏤空玫瑰金腕表，成為全場焦點所在。
 
是日沙田馬場內，一眾紳士淑女均佩戴煲呔及以蝴蝶結作為元素盛裝出席，當中閃耀新星冼靖峰先生憑藉一身別具型格又響應主題的紳裝打扮，力壓全場，勇奪「最佳煲呔衣著大獎」殊榮，獲大會頒發FRANCK MULLER名貴腕表一枚，堪稱眾望所歸。一眾眼光獨到的愛馬人士則踴躍參加「競猜頭馬遊戲」，猜中第八場賽事2022東方表行沙田錦標的冠軍馬匹又被抽中的幸運兒，獲贈GRAND SEIKO名貴腕表一枚。
 
當日十場緊張刺激的賽事分別為CORUM卓越讓賽、PIAGET卓越讓賽、FRANCK MULLER卓越讓賽、PARMIGIANI FLEURIER卓越讓賽、GRAND SEIKO卓越讓賽、H. MOSER & CIE.卓越讓賽、GIRARD-PERREGAUX卓越讓賽、2022東方表行沙田錦標、IWC SCHAFFHAUSEN 卓越讓賽以及瑞士表行卓越讓賽，而2022東方表行沙田錦標則由梁欽聖先生的馬匹加州星球勝出。
 
東方表行董事總經理楊衍傑先生表示：「東方表行已經在香港紮根超過60年，一直致力呈獻彰顯尊貴品味的時計傑作，為客戶帶來專業優質的服務。今年，我們非常榮幸能夠與香港賽馬會再次攜手舉辦2022東方表行沙田錦標『時尚煲呔賽馬日』。藉此機會，我衷心感謝所有佩戴煲呔或以蝴蝶結為元素盛裝出席的貴賓好友及馬迷響應『There is a Gentleman in Every Man』主題，令這個雲集名表、良駒及紳士佳人的年度盛事更添時尚風采。」
 
 
關於東方表行
東方表行有限公司成立於1961年，是首間於香港聯合交易所上市的鐘表零售商（股票編號：0398），為業內之翹楚；現時旗下分店網絡覆蓋大中華區，為區內具信譽及規模的鐘表零售商之一。東方表行代理近百個世界頂級鐘表品牌，旗下門店皆座落於市中心的黃金地段，令東方表行坐擁極大的營運優勢，亦為顧客提供方便及舒適的購物環境。