《童心夢想家》慈善活動
轉載自:
Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49138
https://jollyc.blogspot.com
【2022年9月19日 , 香港】《童心夢想家》舉辦目的是為SEN（特殊學習需要）兒童及青少年提供一個發掘潛能的學習機會，讓他們能實現夢想。有20位SEN兒童免費接受為期八個月的專業訓練，包括唱歌、跳舞、樂器等項目，完成訓練後於2022年9月17日在九龍灣國際展貿中心作公開慈善表演，讓他們在舞台上展發光發亮的一面！
主辦機構 國際商龍交流會-駿賢龍商龍會，國際商龍交流會是一個以慈善為核心的商會，秉承「關愛共享，終身學習」的理念。至今已成立超過50個分會，會員人數超過一千人；而駿賢龍商龍會為國際商龍交流會的第24個分會。
本次慈善活動的受惠機構為「正向生命協會」（ Positive Life Association Ltd.，
簡稱 PLA）[香港政府註冊慈善機構編號：91/12417]，由藍容博士於2013年創立，協會主張以正向生命教育栽培學生，培養學生正向個性發展，使他們的生命得到建設性及愉快的造就，建立溝通能力及良好的人際關係，實踐有品德的生命素質。本次慈善活動所籌得之善款，扣除成本後全數捐贈予「正向生命協會」，用於興建專屬SEN兒童的創科幼稚園，以支持「正向生命協會」創辦人藍容博士的辦學理念。
在第一屆「童心夢想家」表演當晚， 有幸邀請到愛心大使「創作歌手 鐘雨璇小姐」「香港女歌手 Karene麥貝夷小姐」以及特別表演嘉賓「兒歌天后 李紫昕小姐」「OSA Acedemy」出席並帶來精彩表演，以親身經歷和行動來支持一班SEN兒童要繼續勇敢追求夢想，帶出大會主題「我們在任何地方也能發光發亮」。
「童心夢想家」籌委主席 麥鴻彬表示：「籌備八個多月的時間，令我深深體會到「只要相信，便能看見」的力量，所有的堅持和努力為的是幫助一班SEN小朋友，希望大家能用另一個角度去欣賞他們，給他們一個發揮所長的機會。並且衷心希望全港首間創科幼稚園早日落成，可以用更好的資源去幫助他們。」
駿賢龍商龍會第二屆會長 李凱婷表示：「感恩一班善長仁翁支持「童心夢想家」，令到20位SEN小朋友能夠踏上九展舞台發光發亮。對於這班SEN小朋友來說，每一位觀眾的掌聲都給予他們大大的信心。我們相信每一位小朋友都值得擁有夢想，希望「童心夢想家」可以延續，往後每年都可給這些小朋友踏上舞台，實現夢想的機會。」
整晚氣氛高漲，SEN小朋友們充滿力量的表演令人感動，我們相信每個人都擁有自己的潛能，每個人也能實現自己的夢想，SEN兒童及青少年也不例外。
有關活動詳情，請瀏覽《童心夢想家》Facebook專頁
https://www.facebook.com/buddingdreamer/
麥貝夷人格解離一人分飾七角 與許俊豪談情
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=47052
以解離症為題微電影《解離》日前完成拍攝,由麥貝夷(Karene)、前組合天堂鳥成員許俊豪(Lincoln)、白健恩(小白)及林雅詩(Grace)主演。擔任微電影女主角的麥貝夷(Karene)説今次拍呢個微電影對於我來講係一個好大嘅挑戰，因為我一人分開飾演成七個角色咁多，而且我又係演戲嘅新人，喺準備嘅時候同導演溝通左好多次，希望盡善盡美。呢次微電影拍攝令我最深刻嘅係一幕我要好快速由一個人格轉變成另外一個人格，而兩個人格嘅狀態同人設有成-100到+100咁大，所以呢個挑戰特別大。另外就係喺呢七個角色入面，其中一個係男人；其中一個係TB。演TB嗰一幕，去到現場都用咗少少時間再揣摩，特別呢一場戲喺拍攝期間NG左好多次。好彩導演同埋Lincoln都好有耐性。而且Lincoln俾咗幾招我傍身，最後趕得切喺日落之前拍完。今次微電影我都有參與到幕後嘅工作，負責服裝同幫手搵部份場地。好似我哋個Office景就係我一個朋友幫手先有咁好嘅場地拍攝。另外準備服裝同宣傳都有好多朋友幫手。所以呢套參與微電影嘅經歷對我來講好珍貴，特別期待即將舉行嘅微電影嘅發佈。另外,微電影仲有一首主題曲，今次我亦都參與作曲嘅部份，同埋我唱番。曲風同我之前嘅歌完全唔同，係一個新嘗試。冇諗過呢個新project可以有咁多崗位同機會比自己發揮，真係好多謝導演Zoho搵我參與呢次project。
而擔任微電影男主角的前組合天堂鳥成員許俊豪(Lincoln)話好開心今次可以出演呢套微電影，因為呢個劇本我覺得都幾特別，同埋我係第一次嘗試人格分裂呢類型嘅角色。雖然劇本係一個短篇既微電影，但導演同我講，我既角色唔同人格會有好大既對比，所以我都好想挑戰一個咁特別嘅角色
，同埋好開心可以同麥貝夷去合作
，因為有啲場口要同佢做一啲比較親密嘅互動，
一開頭都討論咗好耐，但反而佢叫我直接啲唔使諗咁多，所以好快就做到一種男女朋友嘅感覺出嚟，亦都好開心可以透過
呢個微電影，有一首屬於自己嘅歌曲
，發揮下我歌手嘅一面。而另一男角白健恩(小白)表示今次我在這套微電影飾演角色係男主角
Lincoln 的同事好朋友。今次我嘅角色係一個比較鬼馬風趣的人,感覺對自己非常有挑戰性和有趣。
因為入行以來一直多數演的角色是比較偏向型冷酷或是奸角。今次導演特別跟我說要演得跟同以前的戲路要很不同。所以拍攝之前導演都特別跟我們主要的演員有劇本圍讀的部份，調教我們各位主要演員的方向。而我自己也需要做很多功課，睇有關類型角色的電影或電視。
今次我嘅主要氣氛都係跟男主角一起，幫助解決他面對的問題，作為他的好朋友又帶一點損友的感覺。我記得有一場戲我們原本是跟劇本講台詞和排練。但去到現場拍攝的時候大家突然感覺不同了,然後我們就完全即興加入新的對白不跟原本的台詞。很高興跟男女主角今次的合作,他們都係專業有經驗的演員,期望再有機會合作。而大家都好期待微電影的上映之日,也希望大眾進一步認識解離症和關心社會上的這一群人。
許嘉浩教尹蓁晞麥貝夷雨中整巨型漢堡
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46097
疫情期間好多人都變成「疫境廚神」,加上夏天最近連日落雨,有時都會喺屋企化身廚神炮製美食。日前著名形象指導許嘉浩(Karl Hui)相約兩女尹蓁晞(Yumi)同麥貝夷(Karene)喺觀塘新開西式廚房一齊炮製巨型漢堡,大家都笑笑口話個巨型漢堡真係大過自己個頭。一向鍾意整嘢食嘅Karl喺宜家正藉暑假嘅時候都好懷念以前讀書時期每逢暑假都被屋企人安排出國去Summer
Trip:「一開始當然想留喺香港同同學仔放暑假一齊出去玩。之後一年接一年都接住去暑假遊學團,發現果一個幾月Student Trip飛去唔同地方體驗係好好玩,眼界大開。」Karl憶述之前Summer
Trip仲要Home Stay寄居喺當地人家庭裏面。喺澳洲、英國、美國之行間屋仲好大好靚。除咗學到英文之外,仲學識西式廚藝:「記得喺美國紐約果次Summer Trip, Home Stay Family嘅爸爸喺好有經驗嘅酒店大廚,放假喺屋企就會教小朋友整漢堡包、薯蓉、蛋糕等等西式美食。所以細細個已經識整美式巨型漢堡包,連當地人同大廚食過都讚好味,仲識過用港式乾炒牛河嘅瑞士汁炒牛肉放入巨型漢堡當中,食到佢哋好驚喜。」而適逢當日觀塘西式廚房正正喺當年大名娛樂旁邊,昔日曾為同公司藝人嘅尹蓁晞(Yumi)同麥貝夷(Karene)指離開公司後好長時間無見過面。幾年後重遇的兩女指大家相約Karl試食重聚,指大家都成熟咗唔少,仲講起以前出Show的往事。Yumi話自己成日宅喺屋企同貓貓相處同鑽研新菜式:「西式菜自己一向鍾意食,有時夜晚唔想食咁多飯或麵、碳水化合物。可能輕盈啲食個包或者三文治,甚至三文魚沙律。」最近勤勤做運動做gym做「上癮」嘅Yumi仲話有時出去做運動,自己簡單整個漢堡包或者三文治方便帶出街。今次嚟到學整雙層芝士手打牛肉巨型漢堡都豁出去豪食一餐,笑説做廚師要調味同試味。負責準備食材,手打牛肉嘅Yumi以佢手瓜起展嘅手連續打咗20分鐘,Yumi話當做咗一Part運動,連在場男大廚都讚佢夠手力。愛貓如命嘅Yumi近排除左比貓貓「主子」食貓糧貓罐頭外。有研究開食譜嘅佢仲喺貓貓討論區入面同一眾愛貓之人交流自製貓食物嘅食譜,等貓有時都可以食啲啱佢哋食嘅新鮮食材,更加平衡營養。而麥貝夷(Karene)最近都有相約朋友睇足球賽事,有時凌晨叫快餐店漢堡包總覺得自己學自己整啱自己口味嘅巨型漢堡應該仲好味。身為「絕世稱職女友」嘅Karene以前都會經常為男友下廚,更加會照顧對方平衡營養,炮製埋愛心飯盒比對方,被讚係稱職女友。目前單身嘅佢話真係Focus喺工作。兼任英文老師嘅佢最近因小朋友放暑假都要調整一下教材,以英語戲劇遊戲形式同小朋友上英文輕鬆暑期班:「小朋友真係精力旺盛,可能之前疫情又少咗出去放電,成班10個小朋友一出嚟上堂非常雀躍興奮。差啲要出動大聲公先可以控制佢哋乖乖上堂。」學識咗整巨型漢堡包嘅Karene話上英文堂時「利誘」小朋友們只要佢哋乖乖上堂,暑假完結喺小小畢業禮上會自製漢堡包同「精美兒童餐」同佢哋開畢業Party。果然之後小朋友真係乖咗,佢笑笑口咁話其實小朋友真係容易氹,天真無邪,世界好簡單。除咗兼任英文老師外,同時兼任幕前工作的Karene表示最近為以分離症為題嘅新戲《解離(Inside Me)》擔任女主角,更會同男主角-天堂鳥嘅成員許俊豪(Lincoln)有對手戲。
打拳宣洩情緒 麥貝夷(Karene)狂做運動操Fit自己
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=45718
歌手麥貝夷(Karene)早前受情傷而情緒低落,經好朋友及粉絲開解及鼓勵多外出接觸新事物下,她的情況有所改善。日前更跟著名形象指導許嘉浩(Karl Hui)出席亞視體育拳擊節目《KF1百萬拳王》現場睇拳賽。Karene表示一直有做運動嘅習慣,平時每星期都有定期去跑步、做Gym同做瑜珈。近呢兩個月更對打拳開始感興趣:「都市人難免會有壓力,我通常都揀啲一個人可以做到嘅運動減壓,好似跑步、做Gym同做瑜珈。最近有機會接觸到打拳,一試之下覺得打拳出拳好耗energy,又可宣洩平時壓抑嘅情緒,出一身汗感覺好好。」問到係唔係當打沙包好似打之前遇過嘅壞男人咁? 佢話唔係,之前做嘅運動屬於輕盈啲,宜家試啲重型啲嘅運動,反而做完之後身心都放鬆咗好多,好似以力量宣洩哂屈住喺裏面嘅怨氣出嚟咁。雖然有打到手瘀腳瘀,仲比朋友笑佢係唔係比人家暴。但Karene話要開始比番啲新嘗試新挑戰自己,唔好成日驚自己做唔到而淨係收埋自己喺屋企,唔去嘗試。問到如果有人出一百萬比佢叫佢上擂台打得唔得? Karene話學識咗唔好咩都”Say No to yourself”,不過佢係初哥,要繼續學下培養興趣先知適唔適合。而Karl表示經常獲邀出席觀看拳賽,現場近距離睇真係剌激好多。其中有幾場女子打拳賽都打到拳拳有肉,唔好睇少女仔嘅力量。加上佢哋忍痛能力好強,生仔十級痛都忍到,確實捱得。Karl更透露獲邀為拳館比賽男女拳手設計比賽服,大多以金色銀色色系為主,更會因應佢哋運動量大而揀啲散熱又可以防護嘅物料。所以自己都有去拳館試堂,感受一下運動員嘅感受同需要。除了睇拳賽外,Karl更支持認識多年今年的新人唱作歌手洛妍(Janees),並大讚在維也納修讀音樂系嘅佢唱得唔錯。洛妍(Janees)表示剛於2019年回流香港,一直加強訓練唱歌及樂器練習。於維也納有傑出音樂成績又擅長小提琴演奏嘅佢話希望將西方體驗嘅文化融滙於東方音樂當中,更認為音樂本身無分界限,係好好嘅世界語言。以樂壇新人姿態的她仲透露早前剛拍攝宣傳照,正在籌備其個人單曲。
許嘉浩邀麥貝夷首擺市集 賣心靈治療手作自療
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=45570
歌手麥貝夷(Karene)現身尖沙咀復活節明星KOL市集首次擺檔並好友許嘉浩(Karl Hui)主持的節目《H.K. Pop Live》擔任嘉賓盡訴心中情。Karene表示疫情下自己都想有多一些新學習新嘗試,加上最近也有情緒起伏的時候,於是決心study有關心靈治療的新東西,上網研究唔同地方心靈治療法及有一些心靈治療手作產品可幫助。Karl説到香港地少人多,舖租租金貴,促成成本較低又可共享KOL宣傳媒介的短期明星KOL市集於近年相當受歡迎,於是兩星期前邀請Karene初嘗檔主,鼓勵她在迷失及疫情下以她正在感興趣的範疇下有一些細藝,又可增加一點收入。Karen話好多謝Karl在她迷失及情緒波動時為她找來工作上的新嘗試:「本身無諗過將呢個自己研究緊嘅興趣變成一門生意。但自己喺心靈治療上用到嘅Products又有唔少同路人Inbox問我,所以新嘗試做咗個Page又第一試擺市集,感覺新鮮。」她更說其實她的網小店小試牛刀經營了一個月,相信「Good Vibe Takes Time」原來源自一個男人! Karene說之前見過林作,他説有時Karene在情緒上有起伏時會發放出一些「Negative Vibe」的負能量,是一個不好的舉動。Karene指其實社會上不是每一個人都可以好適當地處理自己的情緒和壓力,尤其在疫情期間大家更加承受更多負面情緒,加上可能有感情上或生活上大大小小不如意的事情。所以她覺得在「Negative
Vibe」的負能量轉化成為「Good Vibe」的正能量是需要時間的。更需要出口和方法,而她最近研究心靈治療的手作產品的確令她情緒上有所舒緩。Karl在對談中指明白她在幾日前突然登上C1新聞而感到相當突然及無助。Karene首度說開心中話說其實在她對上一段長時間感情上當然有開心有唔開心的時間,離離合合下當感覺到她經過多次磨合及配合下都達唔到大家想要的共識,30幾歲的她當然禮貌地作出最佳的決擇。就係正正因為正研究的心靈治療上明白唔係人人都天天有正能量,在重大的改變及決定下總會有充滿負能量的時候。要由「Negative Vibe」的負能量轉化成為「Good Vibe」的正能量自己想找出一個出口。在那長時間的「秘密感情」下不太多向外説出感情事的她長時間也不知跟誰去傾訴。她愈說愈感觸的指其實前幾日只是在感情上做了決定後為自己的情緒找一個出口,在自己的IG Story上抒發了一個自己的小感受。沒有指明道姓去「潑婦罵街」怪責一個人,也沒有説要引起甚麼效果,單純是一個自己想由負能量轉化成為正能量的抒發小感受出口。她更笑言自己自2010年出道也不是「生事」或炒作新聞的那種人。更指近兩年少了幕前工作多做教英文及小店的幕後工作,想不到自己在自己平台的短文字會成為C1新聞。向真心關心她的朋友及媒體説謝謝,更感動地特別感謝好友Karl連日來在凌晨需要致電抒發時也輔導了她,助她解決情緒問題。對於有指她迴避媒體朋友,她簡單指兩星期前巳計劃報名參加市集,那時還未有這突然的新聞出現。有感自己的情緒還在波動,擔心自己應付不到現場情況,不想在慈善活動上大哭成為「哭訴大會」誤了主題。加上周邊各方不同的人又給她很多不同意見及指責而感到壓力大增,經過深思熟慮她堅持自己最初的意向不是要炒作新聞及發酵事情變鬧劇而婉拒大會安排訪問,如有令他人不便要說聲不好意思。被問到大會的宣傳品上看到她跟最近新聞上的當事人藝人翟威廉(William)都有參與同一市集時,她表示有看到。再問她會不會尷尬及支持對方的清酒? 她避談只說:「沒有做壞事的人不用感到尷尬。自己比較喜歡飲有質素的紅酒。謝謝。」她繼續説答應了首次要做市集就要收起情緒應約,當拿了手作產品來到setup時看見有人在現場鼓勵她也忍不住落淚。當有遇到負能量的「同路人」詢問她的心靈治療手作產品得到紓緩時她也感到很開心,也同時得到了能量。最後Karene也在節目中推介了鼠尾草秘魯聖木連貝殼羽毛套裝及情侶舒壓水晶按摩板連乾花蠟燭套裝,也透露她也有用粉紅色舒壓水晶通淋巴,把身體及心靈廢物排走,望吸正桃花正能量。也覺得今次首次參與這慈善願望正能量市集相當貼題,希望在日後的生活上也能添加正能量及提高更多人對情緒健康嘅關注。
