網上電影《5個女孩2個爸》本周五(30日)首映

網上電影《5個女孩2個爸》本周五(30日)首映

舞王麥德羅激凸、裸露演床戲兼踎馬桶

王維德畀5個BB玩殘

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=28643

 

 

網上電影《5個女孩2個爸》由天嵩國際娛樂出品、香港耀佳影視製作、深圳昊宇星際影視文化傳播聯合製作及發行、劉麗萍（Apple姐）監製，鍾少棠導演、王維德、麥德羅（Robert）、五位新人女子組合HongKongirls(HKG)主演、胡楓（修哥）、蘇慧恩（Ophelia）、梁愷庭（Emena）客串，將於本周五(30日)假圓方戲院舉行首映。

 

58歲依然喼得好身材的舞王麥德羅（Robert）為即將上映的網上電影《5個女孩2個爸》犠牲色相踎馬桶、激凸露底兼裸露上身演床戲。在戲中Robert飾演爛滾爛蒲愛溝女，突然有一日發現有5個BB女擺放在屋企門口，原來這5個BB女是他爛滾分別與5個女朋友的親生骨肉，雖然已貴為人父，但依然沒改他夜夜笙歌，溝女溝天光的性格，全靠兩脇插刀乸乸地的堂弟幫他湊大及教育5個女兒。

 

Robert為了演爛滾爛泡，他笑言在戲中不惜犠牲色相，既要激凸露底、裸露上身演溝女床上戲，亦要除褲踎廁所，Robert開心說：「呢場戲好搞笑，我同女朋友蒲天光，帶咗女友返屋企預備想搞嘢時，點知維德同五個女開始起床，仲晨咁早喺大廳開聲練歌，嘈到我同女友搞唔到嘢，搞極都失敗，唯有起身去廁所，屙完後至發覺原來冇廁紙。」

 

床上戲前有沒有操練胸肌？他哈哈笑說：「其實我每天都有練，每天都跑步，每星期都keep住上健身室，唔係點敢拍。」問他點解唔露股？他笑言：「我怕羞呀！大家仲有興趣睇咩？哈哈！」

 

而維德在戲中幫BB餵奶及換尿片看來頭頭是道，維德卻自爆：「我未湊過BB，其實換片同餵奶都好狼狽，一個BB哭時，其餘四個B跟住哭， 拍完呢場戲，真係知道原來做父母完全唔容易。」

《5個女孩2個爸》網上電影煞科

《5個女孩2個爸》網上電影煞科

型王維德與爛滾麥德羅齊做未婚爸爸

維德充滿母愛坦言有衝動生番個B

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=28238

 

 

由鍾少棠導演、劉麗萍（Apple姐）監製，王維德、麥德羅（Robert）、五位新人女子組合HongKongirls(HKG)主演、胡楓（修哥）、蘇慧恩（Ophelia）客串網上電影《5個女孩2個爸》在深圳拍攝了一個多月後，日前順利煞科，拍竣當晚隨即舉行慶功宴，修哥與一眾演員及台前幕後所有工作人員都有出席，只是Ophelia因要趕回港工作，未能赴會，修哥表示雖然只是客串，但拍得好開心，大家好似一家人咁，該片將於９月30日假圓方戲院舉行首映。

 

《5個女孩2個爸》由天嵩國際娛樂出品、香港耀佳影視製作、深圳昊宇星際影視文化傳播聯合製作及發行，維德與Robert在戲中飾演堂兄弟，並且是五個女兒（HKG）的爸爸，不過這五位女兒都是爛滾爛泡愛溝女的Robert分別與五個不同前女友的親生骨肉，地的細佬維德為了堂哥兩插刀合力把五位女兒由bb養育成人。

 

習慣了夜夜笙歌的Robert，突然出現五位親生女兒，令他痛苦得要命，再加上與五位女兒相處時發生太多不開心事，令他完全不想與五個女兒共處，而五個女兒在成長過程中，看到Robert從未盡父親責任，令她們不喜歡這個父親，反而認維德做爸爸，關係更加親密。

 

無論外型、打扮、說話都很女人型的維德充滿母愛，一直盡心盡力把五個女兒如親生女般呵護照顧痛愛，每天照顧女兒的起居飲食，又帶五個女兒返學放學，維德表示其中拍攝接返、放學戲最辛苦，拍攝時正值炎夏，室外氣溫高達35度左右，由大清早拍到烈日當空的下午，他帶著五個4、5歲大的女兒，手抱一個，拖1個，再加上不停ng，大家在馬路及街頭不停來回，維德與小演員都熱得全身濕透，工作人員不停遞上冰袋，又準備西瓜、雪條、冰凍飲品給大家消暑。

 

拍完之後，維德大讚小演員們很乖：「大家都熱到濕曬，佢都冇扭計，仲當拍戲係玩，不知拍到幾開心，每一次ng，佢都開心拍掌嗌好，一個拍手嗌好玩話可以再過，其餘四個又跟住嗌，小朋友真係好天真，好可愛，但難為我呢個哎阿爸又要手抱又要拖實佢，不斷行行去，真係好辛苦，拍完之後，手臂痛三日，但結實，好似舉一日啞鈴咁。」他還笑言因為呢部戲與小朋友相處後，都有少少衝動想生番個BB。

 

王維德15日正日生日 經理人筵開三席為他慶祝

王維德15日正日生日 經理人筵開三席為他慶祝

維德父母出席 親吻母親答謝養育之恩

生日願望打算公開招親

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=28092

 

 

昨日(15日)是卡拉之星王維德正日生日，經理人Apple姐為他在某酒樓筵開三席慶祝，維德的父母、好拍檔麥德羅，與及經理人公司旗下的新晉五人女子組合HongKongirls（HKG）齊齊到賀，十分熱鬧。而最感人一幕是維德在切生日旦糕時，要求一定要與父母一齊切旦糕，他感謝父母的養育之恩，及把他帶來這世上，他更肉緊地鍚了王媽媽的臉珠一啖，答謝媽咪在幾十年前的今天辛苦地把他生下來。

 

而生日願望，維德表示最緊要父母身體健康！世界和平！與及繼續有更多工作。至於感情方面，自稱依然單身的他，笑言：「都應該要開始諗下，今年忙到冇時間留意身邊女仔，再咁忙落去，可能要考慮一下公開招親。」至於今年幾歲生日？他即扮嘢王上身，扮女仔聲說：「哎吔，唔話你知！秘密！」

 

他表示離開TVB後，發展不錯，多咗很多演出機會，更形容今年大豐收，今年與麥德羅以「好德兄弟」組合舉行了一場演唱會外，又不停與麥德羅一齊拍檔出埠登台演唱，工作接踵而來，忙個不停。他今年儲的老婆本豈不激增？他笑言：「都增咗唔少，所以今年終於可以考慮識下女朋友拍下拖囉。」

「攜手優聯。霹克傳奇。理特神話」萬人演唱會

「攜手優聯。霹克傳奇。理特神話」萬人演唱會

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=27642

 

 

「孖德兄弟」麥德羅(Robert)、王維德的「霹克好德兄弟演唱會」相當成功，日前移師到澳門威尼斯人金光綜藝館舉行「攜手優聯。霹克傳奇。理特神話」萬人演唱會，索女莊思明（Lisa）繼續擔任表演嘉賓，穿上貼身小背心露臍裝又唱又跳容祖兒的《加大力度》，唱得跳得又性感的Lisa嬴得全場瘋狂尖叫，大叫安歌，首次唱快歌跳勁舞的Lisa，演出完後大叫好玩，她開心說：「特登練咗一日，已經跳上癮，見台下觀眾反應咁好，以後會唱多啲快歌。」

 

正在拍攝的網上電影《５個女孩２個爸》，胡楓（修哥）飾演麥德羅的爸爸，王維德則飾演麥德羅的乸型閨蜜，新晉５人女子組合Hong Kong Girls(HKG)飾演麥德羅親生女兒，而當日HKG都有份擔任演出嘉賓，修哥專程由香港坐船到澳門捧「囝囝及孫女」場，相當難得。

 

修哥極之受歡迎，由落船到扺達場館，有如皇上出巡，沿路都有市民粉絲熱情又驚喜地跟修哥打招呼，修哥則笑容可掬又禮貌逐一揮手問好回敬，大家都讚修哥好健壯、好親切。演出期間，修哥一直坐在台下觀眾席欣賞大家演出，投入地揮動螢光棒尤如熱情小粉絲，十分可愛。

 

孝順仔孖德（麥德羅、王維德）不用演出時，就走到觀眾席陪伴修哥，氹到修哥不時笑到見牙唔見眼，修哥開心表示：「今日難得咁齊腳，又見好耐冇嚟澳門，咪嚟捧下場。嘩！澳門依家完全唔同曬，酒店、街道都好靚，好似去咗美國拉斯維加斯。」修哥並謂已有幾年沒有到澳門，以前都是因為拍戲及工作，問他可有賭番一兩手，修哥即說：「我唔賭錢！澳門依家搞到咁靚，又咁多嘢玩，好啱一家大細，嚟澳門唔係一定要賭錢啫。」

網上電影《5個女孩2個爸》開鏡儀式

網上電影《5個女孩2個爸》開鏡儀式

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=27479

 

 

由鍾少棠導演、劉麗萍（Apple姐）監製的網上電影《5個女孩2個爸》今日（29日）在深圳廣弘國際影視文化產業園進行開鏡禮，主演的胡楓（修哥）、王維德、麥德羅（Robert）、蘇慧恩、香港女團HKG(Hong Kong Girls)5位成員黃顯詩，麥淑螢，楊月銀，鄧依琳，黃夢思晨早出席拜神儀式，雖然是大清早但陽光相當熾烈，修哥在現場十分照顧五位小妹妹HKG女團，大家都很感激修哥照顧，不少圍觀市民都爭著跟修哥合照。

 

《5個女孩2個爸》由天嵩國際娛樂有限公司出品、香港耀佳影視製作有限公司、深圳昊宇星際影視文化傳播有限公司聯合製作及發行。維德與Robert在戲中飾演五個女孩（HKG）的爸爸，五位女兒都是爛滾爛泡愛溝女的Robert分別與五個不同前女友的親生骨肉，地的維德與Robert是好兄弟，維德兩插刀與Robert一齊把五位女兒由bb養養成人。

 

飾演Robert現任女友的蘇慧恩首次跟Robert及維德、修哥拍電影，她興奮表示最難得有機會跟修哥合作，但可惜沒有對手戲。她並透露在戲中與Robert有床上戲，但笑言：「我地搞極都唔成功。」旁邊的Robert即歎曬氣婉惜說：「每次我地想搞，都畀我五位女破壞好事，真係唔抵。」

 

而維德就曬心跟Robert說：「你都好呀，導演（棠哥）都畀個咁索女友你，睇下我，只得幫你湊五個女，一個女朋友都唔安排畀我，我最唔抵。」

 

王維德與麥德羅破天荒組成「好德兄弟」

王維德與麥德羅破天荒組成「好德兄弟」

扮嘢王與舞王落區拉大媽、阿叔拍《Jam德起》MV 玩味十足

舞王失手飛軟雪糕誤中女模事業線

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=26806

 

 

「扮嘢王」王維德(Tony)和「舞王」麥德羅（Robert）組合的「好德兄弟」將於6月3日喺九展開騷啦！

 

跳出電視圈殺入歌壇初嘗歌手滋味的王維德這次與「舞王」麥德羅首次攜手合作，於6月3日晚假九展舉行處男演唱會「霹克好德兄弟演唱會」。

 

日前兩人為拍攝新歌《Jam德起》MV落到中環街頭取景，歌曲玩味十足，富有《江南Style》味道，更為現時負能量多的香港社會帶來正面和開心的信息，十分有意義。

 

MV中，主要是以玩和熱鬧為主，好德兄弟更臨時拉路人一齊跳舞，位位都十分落力，令到好德兄弟感到十分驚喜，麥德羅說：「估唔到香港都有咁多愛跳舞之士，不論中環大嬸、阿叔、OL、西裝友，定係老人家個個都跳得好落力，佢哋仲跳得好過我哋，哈哈！真係唔好睇少人哋！」

 

至於有無酬勞畀返有份參與的途人，王維德就笑言：「上鏡已經是最好的酬勞啦！哈哈！」

 

另外，好德兄弟並邀請了三位性感靚模演出。其中一幕講述麥德羅與王維德爭女，麥德羅食緊軟雪糕之際，冷不防被王維德使用奸計用腳戥他，點知麥德羅一時失重心，跣手成杯軟雪糕意外地飛插中靚模的事業線，女模即刻嚇呆咗，全場工作人員就笑到彎腰，王維德笑曬「抵死」的話：「這個是意外收穫，真係完全估唔到，不過，事後都唔好意思。（有冇幫人家清潔？）哎呀，呢個更加唔好意思去做啦，即刻搵在場的女工作人員代勞。」