23歲唱跳女新人麥晴茵

23歲唱跳女新人麥晴茵

首張Single CD《DUDE》成功打入多個音樂流行榜

旋即被旅遊廣告商邀到大溪地拍廣告

大騷三點式並與鯊魚、魔鬼魚一齊游水

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=35074

K后劉麗萍(Apple姐)旗下的帝皇娛樂23歲唱跳女新人麥晴茵(Mary)上月推出首張個人Single CD《DUDE》，反應不錯，分別打入多個音樂流行榜，包括：「第42期香港唱片商會銷量榜」第10位，與蘇永康、梁漢文、韓國組合Wanna One等同躋10名之內，另外還有「名人熱爆Hit歌流行榜」第12位、「AEG Music Channel第三十七期歌曲流行榜」第20位，Mary與經理人Apple姐都十分開心興奮，Apple姐坦言唱片市道咁差，估唔到原來都有好多樂迷買碟，作為新人成績已非常喜出望外。

Mary人靚，跳得又唱得，第一張Single CD成績理想，引起同業關注，隨即被廣告商睇中，日前應旅行社邀請飛到大溪地拍攝旅遊廣告，宣傳香港直飛往大溪地直航飛行航線，Mary共逗留了13天，形容此行大開眼界，增廣不少見聞。

她最驚喜在當地玩浮潛，與魔鬼魚一齊游水，她興奮說：「從未試過魔鬼魚及鯊魚喺自己身邊游水，好似陪住我一齊游咁，可以摸魔鬼魚上面，滑嘟嘟，好得意，但千祈唔好摸到佢後面尾巴，仲有鯊魚就喺自己身邊游水，咁大個女都未試過，好開心。」

同行共有14人，大隊分別入住三間酒店，她與其中4個女仔同住一間別墅式酒店，她笑言：「呢間酒店主要招呼夫婦或情侶，浴缸完全冇遮掩，我地4個女仔喺冇遮冇擋下，一個沖涼，一個擦牙，4個女仔一齊玩得好開心。」最開心是她入住的酒店面對無敵大海景，早上望住無邊大海歎早餐，晚上則在酒店露台欣賞滿天星星。

劉麗萍（Apple姐）力捧23歲唱跳女新人麥晴茵

劉麗萍（Apple姐）力捧23歲唱跳女新人麥晴茵

第一首新歌MV《DUDE》跳足12小時不覺攰

轉載自: Star.Starphoto、Jolly的今日星蹤

http://starphoto.joinbbs.net/viewthread.php?tid=34097

 

 

卡拉ok女皇劉麗萍(Apple姐)旗下之帝皇娛樂，今年力捧23歲唱跳新人女歌手麥晴茵(Mary)秘密訓練兩年，第一首新歌MV《DUDE》終於快將出爐，並即將派台播放。

 

《DUDE》由方樹樑作曲、編曲、監製，甄健強填詞，方樹樑與甄健強專誠為麥晴茵度身訂造，其中一句歌詞更反映了Mary與大部份年輕人心聲「不要鬧我，沒有害人沒有做錯」，MV完全配合了歌曲內容，把Mary不拘小節，爽快不扭擰性格拍攝出來。

 

Mary第一次拍MV遇上重重阻礙，晨早開工拍街頭跳舞，卻遇上整天豪雨，不時要拍一陣，再避一輪雨，每趁停雨就馬上趕拍，幸而Mary與舞蹈員都相當專業，埋位即交到功課。

 

拍完街頭舞，終於不用再四處避雨，轉移陣地到室內的時裝店及返回Big Echo i-box卡拉ok拍攝另一場派對跳舞場面，幾乎由早上8時開工跳到晚上8時才收工，跳足12小時，但拍完後她依然精神十足，繼續為其他演出排舞，非常勤力及認真。

 

雖然第一次拍MV遇上豪雨，但少少阻滯並沒對Mary造成任何影響，她表示要多謝今次義務相助的舞蹈員，她們都是她的好朋友及同學：「大家為咗我呢個《DUDE》MV排足幾日舞，仲要晨早起身拍到夜晚，跳足成日，仲要係冇錢的義工，好感激佢哋。」而她跳足12個鐘後，還精神奕奕說：「完全唔攰喎，我一陣再要去排舞，哈哈！」。