何展睿追看劇集《正義女神》

 
何展睿追看劇集《正義女神》
見社會壓力推廣自癒人生 積極進修成花藝師
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=55399
https://jollyc.blogspot.com
 
 
      唱作歌手何展睿（Steve）繼續遊走音樂、香薰、教學當中。早前，再次舉辦調香派對，主題為「自癒 · 自娛」：藉此大眾感受調香樂趣之餘，活動上播放他創作的治癒音樂，希望大家放下平日工作壓力，關心別人前好好自我療癒，他表示：「特登以自癒為主題，因為自己感同身受，好多時未顧好自己就落力幫人，令自己力不從心。所以悟出熱心幫人前，要好好愛惜自己。」 Steve也透露最近有追看熱播劇集《正義女神》，眼見很多青少年故事及社會問題真的每日發生，青少年及家長也很有壓力。有時也有與年青人學生上課時為他們解決壓力疑難，建議放鬆的方法。很想推廣自癒人生，為香港人打打氣。
 
      活動上Steve教導粉絲了解自己屬於那類人格，為自己調配專屬香水。此外，分享音樂創作及創作新香氣「無花果五重奏」的心得。他表示創作香氣比音樂更輕鬆：「創作一首歌要曲詞編監唱，經歷好長時間、醞釀唱法同感覺。相反創作香水就自在得多，依家已經創作接近200種香水。好多客人好奇問我點解會有咁多靈感，其實純粹將天馬行空想法投放喺香氣，譬如大米、榴槤、芫荽、楊枝甘露香氣，都係好受歡迎架！」。
 
      談及近況，Steve表示相當充實且有成功感：因早前為搖滾歌《套戲未做完》拍攝而學習流行鼓，有始有終嘅Steve訂立目標要求自己完成八級。經多年努力，終考獲八級流行鼓考試，他説：「都係自己大突破，一向學開古典音樂，俾人斯文形象，所以更加想挑戰搖滾樂器，最後成功過關，好開心。幾日前仲同幾位學生一齊應考演奏級考試，今日新鮮熱辣收到佢哋超額過關成績，真係雙喜臨門，老懷安慰！至於新專輯最後幾首歌亦錄音完成，終於可以向新目標花藝師進發。」
 
      講到花藝上，Steve表示花藝一向好有興趣，亦有研究，剛報讀花藝課程，正式踏上花藝師之路：「一向都好有興趣，亦都有研究，我唔講求速成，覺得冇可能幾日學晒所有花藝技巧，所以已經讀完幾個花藝課程，依家都識得整花籃、手挷花束，我都特登喺party上親手整咗好多個迷你鮮花籃送俾粉絲。之後希望最終可以幫大型活動及婚禮場地設計，相信靠努力一定可以達成！」

何展睿支持巴士安全帶暫緩 新一年推個人大碟

 
何展睿支持巴士安全帶暫緩 新一年推個人大碟
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=55060
https://jollyc.blogspot.com
 
 
     唱作歌手何展睿(Steve)日前攜同學生於港鐵車站為港鐵藝術師生音樂會演出。Steve表示十分感觸：「對上一次已經係喺呢度表演已經係八年，嗰時未出道做歌手冇咁緊張，今日就要一人分飾多角，做司儀、唱歌，同學生jamming。啱啱演出學生都發生蝦碌事，例如突然拉奏改變速度、突然間停咗，我都要臨場應變伴奏帶返佢入去音樂，呢啲就係現場表演嘅考驗！」  講到重拾歌手身份公開演唱，Steve重編勵志新歌《光》除了為上年底大埔火災送上祝福，寓意傷痛過後重新振作，希望新歌為大家打氣發放正能量。他更表示綵排時演唱已經好滿足：「因為喺車站內好繁忙，自己一出聲唱就慢慢聚集好多乘客停低，一路聽一路點頭、拍掌、歡呼、拎手機錄影，拎咗好多久違嘅滿足感，仲同我講叫我唱多啲歌，出番多啲嚟表演！」 身為音樂老師的他一直立志成為學生的榜樣, 不斷在音樂領域上增值自己。表演行程編排緊密的他在表演前更成功趕去完成流行鼓八級考試,途中不慎跌倒流血,負傷上陣的Steve完全沒有影響表演,學生們都表示Show must go on的精神相當值得他們學習。
 
      談到今次於港鐵車站表演發覺都市人的步伐相當急促,自己也不例外,坦言一日趕幾場的時候大多選乘港鐵以避免突發路面交通情況。問到有否留意近日強制巴士乘客佩戴安全帶的新法例宣佈暫緩? Steve表示在新例實施期間留意到有不少巴士乘客乘搭長途車也選擇企位,更有老人和小孩擔心遇突發事件難以途生。他對暫緩處理表示支持, 支持政府多觀察多諮詢在更完滿的情況下才推出新例。
 
     最後，講到今年大計，Steve表示努力籌備大碟，記錄出道至今八年音樂作品，而且更會融合他作為調香師及香藝師的身份舉辦藝術展，希望能夠在香港一個大型場地完成融合「音樂·香氣·香品」三大元素的大Project。

 

何展睿收老婆親手製禮物 盼粉絲為災民送暖

 
何展睿收老婆親手製禮物 盼粉絲為災民送暖
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=54983
https://jollyc.blogspot.com
 
 
    唱作歌手何展睿（Steve)早前於觀塘舉行調香活動，原本正考慮將活動延遲甚至取消，但最後仍決定繼續進行，他表示：「近期大埔火災的確令人痛心，冇諗過會發生喺香港，無情嘅大火底下人類變得好渺小，原本想將活動取消，但覺得傷痛過後更加要珍惜相聚嘅時光。加適逢聖誕節及迎接新年，象徵重生及希望，所以活動主題改為珍惜與祝福，呼籲粉絲將心意祝福傳遞開去，希望受害者家屬振作起來，死者安息。」
 
   此外，Steve感激英勇消防員、前線人員堅守崗位，全力保護社區，亦大讚市民熱心支援，體現互助互愛精神，所以他除了捐款外，亦身體力行支援火災居民：「我向幾個機構捐錢之餘，特登設計咗「治癒心靈」香水、親手製作「祝福」線香，希望透過手心嘅溫度為災民籌款，所有產品都係不扣除成本全數撥捐有關救助機構，希望盡一點心意。」
 
   講到音樂方面，Steve表示已經將自己一首創作《光》重新編曲，稍後時間更會重新錄音送給災民以表祝福：「自己有一首歌曲《光》，當中歌詞表示到依家嘅心境，想將呢種感覺送俾災民：「黑暗中找光線，懸崖絕處拼命掙扎靠時間沉澱，抹走苦澀」，希望佢哋可以喺困境中慢慢走返出嚟。」
 
    最後，將迎接新一年, Steve表示非常充實及開心，因為預早收到太太窩心禮物：「老婆今年好有心，送咗一件親手織嘅針織大褸比我，我學鈎織成為織男都係因為佢，件褸係一份好溫暖好有意義嘅禮物，所以完咗活動就請老婆去旅行於鬆下。」

 
 

何展睿(Steve Ho)專輯獲華語金曲奬 與粉絲好友「造香」慶祝

 
何展睿(Steve Ho)專輯獲華語金曲奬 與粉絲好友「造香」慶祝
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=54335
https://jollyc.blogspot.com
 
 
      唱作歌手何展睿(Steve Ho)早前為預祝中秋兼專輯獲獎，舉行香藝慶祝派對，好友許嘉浩(Karl Hui)、賴彥妤(Vivienna)、古天祥(Carlos)及兒子等均出席參與撐場。一向好學既Steve 積極增值，繼早前成為調香師、香薰治療師後，進修多年終於成為「製香師兼香藝師」，於活動現場更親身制作香品、展示三十多種親制香品，使盡渾身解數慶祝：「適逢中秋節，所以順便介紹中國香道文化；為咗今次活動以中秋為題親手插花同設計中秋香水。」
 
     講到開心事，Steve 早前推出治癒專輯《音樂的意義》獲得「第16屆華語金曲獎最佳原創音樂專輯」、當中歌曲《手心的温度》剛入圍「第23屆CASH金帆音樂獎」五項獎項提名，他表示感謝身邊好友家人支持：「好多謝Karl 和Vivi鼓勵，係我人生逆境時曾經迷失方向，多得佢哋建議我創作治癒音樂，幫到人又幫到自己。原本作咗一首，點知慢慢累積就變成一張專輯。無佢哋嘅刺激，隻碟都無機會拎獎，今次真係生命影響生命！」
 
     何展睿坦言自己愛不停進修及接受挑戰，近期更受到太太刺激成為「織男」：「記得一開始係老婆先學鈎織，我就問佢點解織得咁慢，最後自己就踏上鈎織之路，越織越開心，跟住上咗癮，無論去旅行定係搭車都會不停地織，因為真係可以令我放鬆。適逢九月底生日，所以就將自己鈎織作品拎出嚟義賣，太太都好支持我！」
 
     而一段時間沒有推出新歌既Steve，預告即將推出全新作品及大碟，更邀請音樂中心學生兼金馬獎得獎小演員鄧少傑一同拍攝新歌《曾經擁有的》MV，並分享於MV中加插中國香道情節：「上年投放咗好多時間去陪伴媽咪康復，屋企人最重要，分配好時間，所以就要急起直追出返多啲新歌，大碟都已經差唔多籌備好，出年推出添！」 講到同太太Yandy剛剛結婚七年踏入七年之癢，Steve笑言工作太忙，忘記了正日。稱太太相當大方不會介意，她喜歡買甚麼都可以，由他負責，只要她開心健康就可以了。

 

唱作歌手何展睿(Steve Ho)舉行調香派對慶祝新碟銷量理想

 
唱作歌手何展睿(Steve Ho)舉行調香派對慶祝新碟銷量理想
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=53606
https://jollyc.blogspot.com
 
 
     唱作歌手何展睿(Steve Ho)早前推出治癒音樂專輯《音樂的意義》，新碟銷情理想，首批經已售罄。當中鼓勵媽咪努力康復歌曲《手心的温度》同樣登上「華語金曲榜」三甲位置，對於佳績Steve表示興奮及感恩：「對於成績係好驚喜，因為幾年無出碟，加上碟內主要係純鋼琴治癒音樂，為咗挑戰自己都冇諗銷量，所以好多謝大家支持！」
 
     為慶祝新碟新歌獲好成績，Steve 舉行調香派對，當中原來有特別意義：「適逢自己新香薰品牌一周年，係人生低潮遇上呢門手藝，加上推廣活動上有好多新朋友支持新碟，所以今日以調香師呢個新身份回饋大家，教大家調香。」
 
     近期，Steve少了亮相公開場合，實情原來與太太不停進修，繼續增值：「因為上年媽咪突然入院，頓悟身體健康、活在當下係最重要，呢半年都努力體驗生活。音樂中心成日都要準備鮮花裝飾，經常去花墟睇花，見到鮮花可以有唔同配搭，覺得好有趣，整理鮮花過程又好治癒，所以勾起興趣，仲報讀花藝課程，希望第日有機會向花藝進發。」
 
     除了進修花藝外，Steve更學習鈎織課程，他表示經歷難忘且痛苦：「原本老婆開始挑戰，我見到覺得簡單，所以就膽粗粗上堂，點知第一堂就想放棄，但又唔想失威，最後用咗兩個禮拜完成一個手機袋，真係織到懷疑人生。但係織野非常過癮，係一個好好嘅減壓方法。」
 
     最後，講到音樂方面Steve更雀躍表示為多謝粉絲不離不棄，已努力籌備音樂大計：「將會推出兩張專輯：大碟會分享近五年有關自己生活、愛情觀及社會現況；細碟會收錄從未接觸曲風，希望比大家睇到全新同有進步嘅何展睿！」

 
 

何展睿剛首奪「第十五屆華語金曲獎」

 
何展睿剛首奪「第十五屆華語金曲獎」
贈留院媽媽互勉永不放棄
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52243
https://jollyc.blogspot.com
 
 
     唱作歌手何展睿(Steve Ho)早前到小學進行巡唱，原來是次計劃早於多年前已開始，近期能重啟他表示興奮：「出道就已經開始巡唱，因為疫情停咗幾年。自己除咗想借創作發放正能量，亦希望透過自身經歷叫學生要堅持，面對逆境要冷靜正面。近幾年經歷生人身起跌同面對生死，表面上係分享經驗，其實都為自己搵到多一個途徑抒發心情。」
 
     至於Steve媽咪早前因為腦出血入院，幸好現在康復中，脫離危險期：「之前做開腦手術，醫生都話得一半機會生存，面對生死，所有屋企人都好擔心。脫離危險期後鬆一口氣，不過康復就需要漫長時間。依加要好有耐心每一日去鼓勵佢，但佢好心急，試過好幾次炆走鼻喉管，想快啲咀嚼食嘢，我成日要同佢心理輔導，叫佢好好堅持同忍耐，因為佢係我嘅榜樣。」
 
     而講到近期開心事，Steve 收到「第十五屆華語金曲獎 2024」率先頒發優秀唱作歌手獎，對他而言可算是雪中送炭：「因為出道好幾年，自己想做嘅嘢都差唔多完成，音樂同MV都試過自己做曬，而家好似係樽頸地帶，加上近年人生遇上好多挑戰，曾經想放一個長假休息，突如其來得到呢個獎係好驚喜，呢個創作歌手獎意義重大，係累積努力得返嚟。得獎後我即刻拎個獎去醫院俾媽咪睇，佢用力捧著個獎，講左句「叻叻！孝順叻仔」，我即刻流淚。因為人生中佢第一次咁樣讚我，我永遠記住呢一刻，要做多啲善事為佢積福！」 更揚言正如跟學生的分享，有大眾認可和鼓勵更加有動力和幹勁繼續創作更多正能量歌曲並即將推出，連繫留院媽媽一樣齊互勉永不放棄。