溫碧霞一家三口遊大澳振興經濟出一分力
祈所有店舖捱過疫情難關
轉載自: Star.Starphoto、Jolly的今日星蹤, 查看全部相片請前往:
溫碧霞(Irene)繼續響應政府限聚令，暫時停工14天，取消所有大型工作及聚會，留在家中乘機休息一下。不時會為Irene及仔仔Xavier製造驚喜的浪漫好老公Kenny怕她生悶，昨日(12日)趁復活節假期又再秘密出動，偷偷地為Irene及仔仔計劃了三日兩夜大澳幸福之旅，在大澳訂了兩晚酒店，再帶他們四處觀光坐船仔遊覽大澳景色，品嚐大澳地道美食，又買了大量大澳居民及漁民自製的漁產品、手工藝品作手信，展開一家三口振興經濟抗疫之旅。
Irene好開心話:「我都係第一次來大澳玩，之前一直未去過大澳，我好鍾意呢度，好似我以前童年時的地方調景嶺，有山有水有人情味，好多回憶返晒嚟，真係好開心啊。」
Irene表示今次全部所有行程都係Kenny安排的驚喜:「本來Kenny諗住帶我哋嚟大澳靜靜地行下山，食下嘢，又可以振興下大澳旅遊業，哈，點知嚟到原來都有好多遊客，不過大家都好自律，冇見過超過四個人的聚集。」
Irene同Kenny在市集買了好多手信，她說：「好多店舖都話呢個疫情影響好大，生意好差，所以我哋特登幫襯小店食嘢又買嘢，希望大家都可以捱過呢個疫情。」Irene最開心這兩日天氣都非常舒服，清爽又藍天無雲，他們並計劃行山，度過健康又有意義的假期。
沒有留言:
發佈留言