溫碧霞暑假結束前一家三口峇里最後一擊
計劃幾年後在峇里開望海餐廳
轉載自: Star.Starphoto、Jolly的今日星蹤, 查看全部相片請前往:
學校暑假就快結束，好媽媽溫碧霞(Irene)趁學校假期結束前，最後一擊陪伴囝囝及老公飛到峇里度假，因為接咗好多工作及要錄音，公司唔畀放太耐，今趟只玩了大概一星期，Irene笑言：「一星期眨下眼好快過去，開心時間過得特別快，不過好過冇喇。」
在峇里一星期，一家三口不停歎美食又不停四處去玩，問她肥咗幾多磅返港？她得戚哈哈說：「冇喎，唔單止冇肥，反而仲瘦咗，因為每日運動好大，我地日日游水、踩單車、打乒乓波又做瑜珈，健康咗又瘦咗，峇里d嘢食真係好好味，我地唔係玩就係食，好彩運動量大咋。（瘦咗幾多磅？）冇刻意磅呀，最開心係肌肉結實咗。」
既然咁鍾意峇里美食，有冇諗過在當地開辦餐館？Irene坦言曾經有當地開餐廳的朋友也建議過，對方做得好成功，但她考慮了一陣就打消了念頭：「我驚冇時間打理，暫時仲未係時機，不過可能過幾年我會考慮，我都好有興趣在峇里開一間望海又有格調又浪漫，可以畀大家好舒服咁歎美食既餐廳。」
沒有留言:
發佈留言