譚耀文2017年大豐收
完成風雲音樂劇 一口氣還7部片債
豐收回港 迎接明年入行30周年紀念
轉載自: Star.Starphoto、Jolly的今日星蹤, 查看全部相片請前往:
譚耀文(阿譚)今年上半年度全神貫注完成「風雲5D音樂劇」香港站及內地巡演後，馬上一口氣還了7部片債，包括《風再起時》、《L風暴》、《張天志》、《聖荷西謀殺案》、《辣警霸王花2之不義之戰》、《美麗戰爭》與及原創迷你劇《香港華爾街》，因為新片一部緊接一部，阿譚在下半年不停中港兩邊跑，直至日前終於全部煞科回港休息享聚天倫及相約好友吃飯慶祝節日，而返港前還百忙中抽空出席了在北京舉行的「Esquire頒獎典禮」擔任評判及頒獎嘉賓。
2017年為阿譚豐收的一年，阿譚笑言依家睇番至發現原來在短短下半年，拍咗咁多部電影，而每部題材都不同，史詩式巨著、動作片、犯罪片及愛情片都拍了，阿譚滿足謂：「當中有好多新嘗試，今年最豐收係從工作上交了很多幕前幕後新朋友，好享受與對手互相鼓勵和努力的過程。」
阿譚最後殺青的一部內地電影《美麗戰爭》由剛病後復出的陳勳奇執導，阿譚飾演模特兒公司老闆及經理人，在名利與愛情的誘惑之間掙札，阿譚笑言加長嘆一口氣：「好老闆原來真係唔易做，仲要做埋經理人，難度太高，都係做番藝人好啲。」而馬國明也有份演出《美》片，對於馬國明憑TVB劇集《降魔的》有份角逐明年1月21日舉行的《萬千星輝頒獎典禮2017》視帝，阿譚則認為：「佢係個用心嘅演員，況且佢呼聲咁高，我已經當佢贏咗㗎啦。」
明年2018為阿譚入行踏入30年，阿譚會唔會搞慶祝活動？阿譚輕鬆說：「畀我知道如果真係有粉絲追隨咗我30年咁耐，唔介意的話，明年可以約個時間聚聚，諗個形式回饋佢地咁多年支持。」而最近重播劇集《一號皇庭》再引起觀眾追看，阿譚笑話：「睇番舊時個樣真係拾吓拾吓，哈哈哈！」
沒有留言:
發佈留言