許嘉浩約梁允瑜齊食團年飯 望新年有新挑戰角色

 
許嘉浩約梁允瑜齊食團年飯 望新年有新挑戰角色
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=47632
 
 
     著名形象指導許嘉浩(Karl Hui)適逢迎接新年相約好友《香港小姐2021》梁允瑜(Chloe)食團年飯,順道慶祝一月壽星Chloe的24歲生日,期間更雙雙開Live傾計。Karl同Chloe一樣在食方面不愛單調,鍾情多國菜: 中式、西式、日式…更愛飲湯護膚。團年飯席上Chloe食A5和牛粒同同佢塊面一樣滑嘅紅燒牛臉肉食得津津有味。而Karl就投選鮑汁燴原隻花膠為Favourite,果然兩個都貪靚又識食。講到虎年嚟到,Chloe表示最開心係經過周詳計劃後剛剛決心簽約TVB,開展自己嘅演藝路:「參選港姐時係好奇入面嘅Training點樣可以訓練出一個脫胎換骨嘅Better Me。用咗一年時間準備好體態同心理就去交Form,好鍾意接受挑戰嘅我喺參選決賽後的確係有遇上唔少up and down。最後好多謝好似身邊朋友同前輩比我意見,我想進一步再探索下一步演藝路。做節目主持同拍劇我都想挑戰嘗試。」Chloe更話好幸運簽約後已獲公司比唔同機會佢去睇去試拍劇喺現場喺咩一回事。正藉有份參與新劇《法言人》嘅佢話劇組都好Nice,有信心可以由小小的配角進步慢慢擔演更多唔同角色。佢仲話自己勇於挑戰,唔洗一定做靚靚女女同純情乖乖女角色,好想演古裝奸妃或奸角、「終極Big Boss」角色。喺咁多演員入面,都想同黃宗澤同李佳芯合作。而自己更想可以主持貼地嘅節目做主持。Karl都話Chloe外表雖然一開始睇落有啲Cool,但其實佢一講起可以講好多嘢,傾到未停過。由於近日忙住拍攝,有時要早在清晨自己ready好個樣同熟讀拍攝內容出發拍攝地點,所以都習慣好早起身。貼心嘅Karl就為佢準備羊肚菌螺頭燉老雞湯補補。正當Chloe飲湯時Karl更為佢送上驚喜蛋糕,上面仲寫上「No.1 梁允瑜, Happy Birthday!」寓意參選港姐時係編號1號嘅佢今年有多演藝工作嘗試,無論拍劇定拍節目咩都做到No.1! Karl仲話收爐前除趕住拍攝新年飲食節目外,仲忙住設計嚟緊將推出以虎為題,橙杏、米色、大地Tone春夏SS2022系列嘅自家設計新衫。更掦言將來Chloe接到更多唔同新角色時要為一向淨係鍾意著黑白色系嘅佢打造Sharp Colour Tone衫,眼前一亮嘅新造型,笑言要一齊突顯修長美腿。忙住拍攝劇集嘅Chloe都好識做,收工都密密開Live同兩隻愛貓亮相同粉絲玩Q & A,獲得粉絲支持鼓勵。而Chloe話今年無時間提早辦年貨,好在屋企人明白體諒。又幫佢買咗棵靚桃花,希望增進佢桃花運同觀眾緣,新年新發展順利。