白色情人節 宣娜(Sheena)插花助宅男表白

 
白色情人節 宣娜(Sheena)插花助宅男表白
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=45394
 
 
     今日(3月14日)係白色情人節,相傳上月2月14日情人節女仔都會自製朱古力向心儀男仔表白,如果收到心意嘅男仔有意回覆表白就會喺白色情人節回禮示意。一向鐘意收花嘅「直播平第一女主播」-宣娜(Sheena)就以女仔嘅角度出發,向精通DIY小手藝嘅著名形象指導許嘉浩(Karl)請教,初嘗插花樂趣。佢一路整花一路拍片,原來係收到一個跟隨自己多年的宅男粉絲私訊,男粉絲表示自己終於鼓起勇氣向自己的女同事於白色情人節今天回禮表白,Sheena立即速學插花,為宅男粉絲親手自製花束助他成功表白。Sheena話細個都鍾意整小手作同串珠仔鏈,家姐就鍾意DIY衣服。平時喺自己生日或者特別日子紀念日都有收到粉絲或男追求者嘅鮮花,佢仲話有收到男仔自己配合花語嘅手作插花特別冧,今次初次嘗試自己插花感覺好浪漫,又希望將自己嘅運氣傳送比宅男粉絲。由於上月2月14號當日情人節禁堂食,今日3月14號Sheena透露將與一個心儀男仔赴會補祝,於浪漫西餐下互相了解。談到早前推出的新年寫真月曆一度斷貨,到宜家3月仲有粉絲加訂要加印,Sheena表示喜出望外。並預告已開始修身準備下月拍攝新一輯夏日寫真集,希望今年書展可以如常舉行並順利推出寫真集。而佢話因最近出現「健身室群組」,佢都由出外做Gym改到留家睇直播跟教練學,Keep住一星期喺屋企做三日運動。