JuJu遠赴塞浦路斯「愛神之島」拍荷里活電影順道影婚妙照
轉載自: Star.Starphoto、Jolly的今日星蹤, 查看全部相片請前往:
還有兩星期便在洛杉磯結婚的武打女星陳鈺芸（JuJu），早前到塞浦路斯拍攝荷里活動作片《柔術》（Jiu Jitsu)
，趁著有幾天不用拍攝，便把握機會去影婚紗照。JuJu表示由於全年的工作排得密密麻麻，所以本來並沒有打算影婚前的婚紗照。但到達了塞浦路斯後得知當地有愛神之島的稱號，是希臘愛神的出生地，隨行的未婚夫司徒永華(Antony)立刻趁著JuJu不用工作的時間在當地安排婚紗照的拍攝，JuJu甜蜜地表示對未婚夫的安排非常滿意和感動。
JuJu説：「有一日唔使工作Antony比咗我一個驚喜，帶咗我去當地一間婚紗店Gala Montanapoleone
揀咗6套各俱特色的婚紗。塞浦路斯旅遊局Visit Cyprus 好好，都有幫手安排我地婚紗照拍攝嘅地點，我一共抽咗兩日唔駛拍戲的時間喺Paphos 和 Aiya
Napa這兩個區域拍攝 。塞浦路斯每日都係藍天，又有不同層次嘅藍色海水，真係影婚紗相嘅勝地。」
JuJu 的婚紗照是由當地一名著名攝影師Loukas Karamanos
操刀，JuJu表示非常滿意攝影師的技術：「啲相影出嚟效果好好，攝影師攞嘅角度好靚，有藝術感，好滿意！！我哋去咗好多洞穴、山崖、沙灘拍攝。著住又長又大件嘅婚紗仲要走去山崖，真係有啲難度。有啲地方我地仲要爬山咁爬去影相個位。我地拍攝嘅時候一行十人！有好幾件婚紗都係好重好大件，需要四個人幫手拎在條裙，然後一齊爬去舊石上面影相！完全需要Team
work！塞浦路斯啲人好熱情，好樂於助人，同佢地一齊做嘢好開心。」
剩下兩星期便是婚禮的大日子，被問及現時婚禮籌備進度如何？JuJu說：「籌備進度都七七八八，唯一未正式有時間係去排舞，婚禮派對上我想跳First
Dance, 啱啱揀咗音樂，要搵時間去排練。」
沒有留言:
發佈留言