2019寫真戰: 網紅主播-宣娜(Sheena)寸對手 「我D衫係DIY!」
轉載自: Star.Starphoto、Jolly的今日星蹤, 查看全部相片請前往:
今年書展寫真戰的新血:「17人氣第一女主播」宣娜(Sheena)推出處女性感寫真集未出街已經吸引唔少追開佢每日直播嘅鐵粉喺直播平台預訂。日前佢同曾幫鄭伊健及葉蒨文整演唱會歌衫,任職時裝設計師嘅家姐Chemain出席校園Fashion
Show支持年青學生設計師。Sheena表示由於由細到大身型都比較細粒,街上賣果啲衫成日都唔係好Fit,甚至有時要買童裝。但童裝嘅款式有限,所以細細個家姐開始讀Fashion就成日幫我度身訂造DIY啱身嘅衫,身邊啲同學仔都好羨慕我!
Sheena又話今年推出嘅寫真集入面12個造型嘅衫全部由家姐Chemain用一個禮拜不眠不休趕工一手一腳做起。身為動漫Cosplay頻道「Games
Effect」成員的Sheena玩Cosplay咁多年都玩咗唔少動漫造型。正宗「日系迷」嘅佢好鍾意性感女神三上悠亞,所以今次寫真集中有幾個造型係參考佢嘅,上網搵哂佢啲造型比家姐做靈感整衫。講到今日有幾個同樣出寫真的「海外競敵」襲港,又有寫真對手預售寫真,有否留意人哋啲造型?
Sheena話:「Fans有比我睇佢哋啲寫真相,我有望過下...」之後更突然寸嘴上身話自己寫真造型全部DIY自己造衫,絕對無「淘寶貨」!
暗示有寫真對手著「淘寶貨」。將於明日(7月17日)書展開鑼搶閘早上11點打頭陣以Cosplay貓女廊造型空降書展的Sheena更正在忙於印刷商親力親為包書及送貨到書展,積極為寫真戰做足準備!
沒有留言:
發佈留言