ViuTV全新劇集《假若愛有期限》
林耀聲拍攝監獄戲份自爆年青時曾因打交被捕要家人保釋
談善言自恃額頭夠高 無懼殮房取景拍攝
轉載自: Star.Starphoto、Jolly的今日星蹤, 查看全部相片請前往:
（2018年11月29日‧香港）ViuTV全新劇集《假若愛有期限》於星期一至五晚上11時30分播出，劇集講述，2060年，「時限法」全面生效，任何行為包括談戀愛都有時限，時限到必須分手。從配對成功的一刻開始，阿嵐(林耀聲飾)和子晴(談善言飾)的關係正式開始倒數。但是阿嵐並不知道，在這段愛情背後，隱藏著子晴和偉（陳子豐飾）很多不為人知的秘密與過去，將他捲入一個又一個危險的旋渦，迫使阿嵐作出終極反擊，但代價可能是失去一切。
林耀聲、陳子豐和談善言日前為劇集開工，三人現身廢墟工廠搭建的「殮房」、「監獄」拍攝。林耀聲笑指與「老拍檔」談善言默契十足，但堅拒劇假情真：「同佢太熟喇，之前電影都有合作過，所以都好有默契，所以都預計今次會好順利。（怕唔怕傳緋聞？）唔會啦，因為我地只係好朋友，即時落閘！」林耀聲亦表示年青時曾因打交被捕，要家人到警局保釋而嚐試「坐監」滋味：「嗰時仲好細個，因為打交比人拉咗返警局，搞到我要打比媽咪保釋，佢一去到差館就喊晒口，我知道佢內心的痛，所以我告誡自己唔可以犯事令佢痛心。」
陳子豐和談善言到「殮房」取景拍攝，子豐為求安心更向法科師傅偷師保平安：「佢地教我去呢類場景拍攝唔好亂講野，覺得唔舒服內心就唸平安經文，但係你知啦，如果現場口嗡嗡，人地隨時以為你係傻，所以有咩都係扮睇唔到算啦。」談善言就話自己「額頭夠高，唔信靈異傳聞：「我又真係冇見過，就算我搬屋大家叫的拜四角都冇做，所以不信則無。但係頭先我見到殮房場景其中一格，擺晒好多宗教神像，見到都真係比佢嚇一跳。」
談善言又透露在韓國拍攝期間，因為語言不通，搞到烏龍百出十足「大鄉里」出城：「我同子豐想食燒肉，點知行好耐都冇，見到有間鋪頭寫個『牛』字咪衝入去，點知食極都係牛內臟，以為肥牛係最尾先食啦，點知人地係牛內臟專門店。最尾一日我地話去汗蒸幕，點知搞完一大輪桑拿、泡涼，最終都係冇汗蒸，白白浪費兩晚時間。」
有關ViuTV
香港電視娛樂有限公司致力為全港觀眾提供多元化視聽娛樂，旗下之免費電視業務包括中文頻道ViuTV 99台及英文頻道ViuTVsix 96台；
ViuTV為24小時廣播，製作節目包括實況娛樂，家庭綜藝，戲劇，旅遊及資訊等，並提供優質新聞及體育節目。ViuTVsix
搜羅全球娛樂及資訊節目之餘，更與權威新聞網絡及自製國際新聞組成多條時段，及現場直播各項世界體育盛事。
ViuTV官方網站 ：www.viu.tv
ViuTV Facebook專頁 ：www.facebook.com/ViuTV.hk
沒有留言:
發佈留言