鬼妹仔阮兒返家鄉越南探親
飛甩男友衛志豪 日日游水艱美食
轉載自: Star.Starphoto、Jolly的今日星蹤, 查看全部相片請前往:
眾所周知鬼妹仔阮兒在荷蘭長大，其實她也擁有越南血統，早前趁有假期，撇甩熱戀中的男朋友衛志豪，與一位女性朋友到越南旅遊兼探親，在當地逗留五日四夜，已有十年沒有返家鄉，阮兒表示當地變化很大，她說：「而家越南變得好新潮，好多靚地方，又開咗好多ROOF
TOP酒吧，就連今次我住間酒店，都係ROOF
TOP泳池，酒店天台有個好靚又大泳池，我同朋友日日晨早起身游完水至出去玩，咁靚泳池，唔好嘥嘛，我地忍唔住影好多相，同個朋友互相做大家攝影師。」
阮兒更指今次探親之餘，兩位姑姐及堂家姐等也充當導遊，帶他們四圍遊覽及品嚐當地美食，又到當地大型珠寶店見識，笑言絕對大開眼戒，她並極力推薦大家到越南玩玩，她開心說：「越南好多美食，中餐、西餐、越南菜，仲有好多新鮮水果，都好有好好味，價錢又不貴，我地日日食同玩。」有冇增磅回來？她笑：「只係肥咗少少啦，可能我地每朝都有游水做運動，而且越南美食好健康，以蔬菜及水果為主，去旅行唔理咁多體重，回來再減。」她最遺憾今次時間有限，很多景點也未有機會潮聖，所以決定稍後再有假期的話，一定會再返當地玩到夠。
沒有留言:
發佈留言