「一生一愛學堂」即將開課
森美化身婚姻教授 傳授不同婚姻階段「一生一愛」秘技
轉載自: Star.Starphoto、Jolly的今日星蹤, 查看全部相片請前往:
(香港 - 2018年7月9日)
森美日前接受珠寶品牌周大福的邀請，化身為婚姻教授，開設網上「一生一愛學堂」，教大家在求婚、訂婚、結婚周年不同階段的相處之道。平時，他給大家的印象都是搞鬼幽默又不正經，卻原來他對於感情絕不兒嬉，從小已經向著「一生一愛」這個目標進發。
森美在拍攝「一生一愛學堂」期間，以自己經驗之談，教大家如何在婚姻不同階段中學到「一生一愛」的秘技，並滔滔不絕地分享自己與另一半的相處經驗。
「我同老婆平時都會嘈交，但係我地一直都有共識，講定邊啲傷害對方嘅説話係唔可以講。但係我仲有一絕招，就係無論邊個岩邊個錯都好，作為男人嘅我都會去負責先講對唔住，每次老婆都好受架！」
雖然森美同太太已經結婚17年，但講到「一生一愛」這個課題，連平時被視為戀愛專家的他也直認自己還在學習中。「喺婚姻唔同階段入面，要做到一生一愛，呢個課題冇人可以係永遠嘅專家。因為要維繫一段長的感情一定要每日不斷努力，而我都係從過去17年婚姻生活中不斷咁學習，所以我希望藉著今次「一生一愛學堂」，去分析6種男女關係中嘅典型性格，將我嘅經歷、領悟同埋秘訣同大家分享。」
「一生一愛學堂」將男女關係中的典型性格劃分為事業型、躁底型、朋友大晒型、異性磁石型、完美主義型和控制型共6種，通過網上小測驗，你會知道自己屬於那類型，從而找出與另一半的相處秘技。
森美不用測試已認定他和太太同屬完美主義型， 「唔使問，我梗係完美主義型啦，因為由細個開始已經鍾意打扮，為咗拍一套戲都會去狂做Gym……
至於太太，當然都係完美主義型啦！如果唔係佢點會識揀咁完美嘅我！」
沒有留言:
發佈留言