參與湖南衛視的綜藝節目《來吧，說做就做》
陳小春變身原始人 荒島求生表演「手撕椰子」
轉載自: Star.Starphoto、Jolly的今日星蹤
陳小春近日參與了內地湖南衛視的綜藝節目《來吧，說做就做》，平時向來以硬漢形象示人的陳小春，節目中要在極端的環境參與瘋狂試煉，陳小春與其他五位兄弟齊齊流落荒島，面對島上食物匱乏的窘況，陳小春變身「瘋狂原始人」，表演了一幕「手撕椰子」。
《來吧，說做就做》將於今年年尾上映，面對流落荒島冇食物只搵到個椰子的狀況，陳小春與一眾兄弟奇招出盡，有人用鐵鏟都鏟唔開個椰子，於是陳小春霸氣地將鏟子踩在足下，空手上陣對抗椰子，奈何椰子堅硬的外殼很難被剝下，更有兄弟在開椰子的過程中「英勇負傷」，最終皇天不負有心人，合眾人之力剝皮，陳小春「手撕椰子」成功。
事成之後陳小春坐在地上享受成果歎椰肉，他說：「今次知道原來去到荒島係咁無助，搵食求生係咁艱難o既，成班大男人差啲畀個椰子考起，好彩最後都冇失威。一個椰子六個人分硬係唔夠飽啦，不過呢個勝利果實得來不易，所以食起上嚟特別香特別甜。」
問到小春參與這個節目會去到幾盡，他笑說：「我冇諗底線喎，參與得就預咗豁出去o既啦，我覺得做呢個節目幾好玩，做呢個節目我多咗啲新朋友，好似潘瑋柏、包貝爾咁，之前只係認識，相處咁多日大家就熟咗，有時錄影完節目我哋會一齊食飯。而且因為呢個節目我有機會做一啲平時生活之中唔會做既嘢，好似加入咗一個奇幻旅程咁。遲啲仲會有啲大家估唔到o既事會發生，但o依家唔講得住，到時睇節目就會知。」
沒有留言:
發佈留言