JuJu升呢任跆拳道裁判唔識打領呔
轉載自: Star.Starphoto、Jolly的今日星蹤
藝人兼跆拳道黑帶二段打女陳鈺芸(JuJu)日前成功完成跆拳道裁判班，升呢被委任為有二百多名運動員參賽的香港跆拳道(ITF)60周年紀念大賽擔任裁判。當日JuJu一反日常裝扮，以中性裇衫西褲打領帶當裁判，並於開幕儀式中率領全體裁判員宣誓，還率先試用亞洲首套電腦判分系統，認真威水！
身為香港跆拳道委員會代表隊成員的JuJu參與國際比賽經驗豐富，對今次升呢擔任比賽裁判，並能夠為跆拳道本土比賽出一分力感到非常光榮，JuJu表示自己過去三年也代表香港出戰跆拳道世界賽同亞洲賽，參加過不同項目，所以對各項目評分標準都很熟悉。被問及做開運動員擔任裁判會否不習慣，JuJu說：「心情比做運動員輕鬆，但要比運動員用更多眼力和判斷力，因為做裁判唔只參與一場賽事，而係由朝到晚幾十場賽事都要參與。另外最唔習慣係要著裇衫西褲帶領帶！中學畢業後都無打過領帶！今日條帶我都係要請我師父幫我打！同埋我膊頭啲肌肉太大但條腰細，所以一般裇衫都唔啱身。今日件衫胸同膊頭好窄，但腰背就啱身，搞到上半截有啲迫爆感覺，下次都係訂造過一件。」
沒有留言:
發佈留言