李蘊以AI為題出新歌 回應網民粉絲訴求現真身拍MV

 
李蘊以AI為題出新歌 回應網民粉絲訴求現真身拍MV
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=55047
https://jollyc.blogspot.com
 
 
      女星李蘊(Renee)活出「第二人生」,重投歌手身份的她繼十二年後推出派台歌《由自可》後,努力不懈的她隨即籌備下一首新歌,實現相隔幾個月後推出第二首全新歌曲
 
《屏幕倚賴法則》。日前Renee在觀塘與音樂人見面,推介新歌。Renee說: 「今次首歌係想講關於隔着屏幕嘅關係，現今社會好多人都會拎住個電話，但係其實人與人之間嘅關係應該有溫度嘅，而唔係隔着屏幕嗰種冰冷嘅感覺，好似同虛擬嘅AI拍拖，或者一直隔住嘅電話嘅異地戀，再多嘅甜言蜜語都比唔上一個溫暖嘅擁抱。」她繼說: 「今次首歌係自己填詞嘅，而作曲人係一個新朋友，其實係直播界嘅朋友，我同佢都係未見過面，哈哈！佢有興趣想幫我寫首歌，之後好快就交咗作品俾我，我好快就填好份詞，所以呢個合作係非常有效率同埋滿意！」
 
     對於上首歌《由自可》的MV以動畫表達而獲不少粉絲「投訴」沒有見靚樣拍MV。她正面面對網民粉絲訴求: 「因為上一個MV全AI，收到好多網民嘅意見見唔到我個樣！哈哈！話浪費咗！所以今次特登出樣拍攝！仲有三個形象！其中一個係AI機械人咁樣！好新奇！因為唔可以太多表情！對我黎講有d難度！多謝化妝師Karen幫我設計造型！今次一致好評！好開心。」 問到近期AI成全球熱話,覺得AI日漸發達是好還是壞? 她說: 「我覺得社會上AI越來越多，只要唔係濫用嘅話我覺得都唔係壞事嚟嘅，始終都幫咗我哋慳返好多時間去諗嘢！但當然我哋都盡量唔好俾AI去取代我哋人類嘅地位！」 更希望2026新一年有更多音樂及影視作品示人。

 

李蘊正能量現身築子林慈善基金會的健球體驗日

 
李蘊正能量現身築子林慈善基金會的健球體驗日
「逆風並不可怕，可怕嘅係連自己都會放棄」
李蘊重返樂壇 勇敢面對世界
黃榕帶傷上陣、阿儀齊齊同猛男打波「出身汗人都精神D」
阿儀:「個波勁大！」
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=53583
https://jollyc.blogspot.com
 
 
前日 (16/6) 築子林慈善基金會 一眾理事及藝人義工團 (黃榕 (團長)、許嘉浩 Karl、范肇軒 Jeffrey 、姜珈欣、阿儀、李蘊 Renee、Yuki、陳懿霏 Faye ) 參與新興運動#健球 體驗班，齊齊釋放「安多酚」，大家都充滿幸福感，散發正能量。
 
大家表示:「齊齊做運動 人都精神d，體驗新興運動健球 新嘗試 ，大家都玩得好開心，好考驗大家合作性。」
 
Jeffrey：「比想像中勁刺激好玩，多謝車媽邀請」
 
阿儀表示:「個波勁大，好好玩」
 
姜珈欣北上搵銀不忘在港 支持慈善活動：「築子林慈善活動，我點都支持」
 
李蘊正能量現身健球體驗日，佢話:「逆風並不可怕，可怕嘅係連自己都會放棄。」
 
藝人義工團「團長」黃榕帶傷上陣， 支持新興運動「健球」， 6月22號前為了健美比賽都要戒澱粉質， 追求認真比賽。
 
綠魔Karl：「好耐無做運動，難得有得玩新興運動，健球個波比我想像中大，慈善活動一定支持」
 
健球（Kin-Ball）為三隊同時作賽的球類運動，注重團隊合作、尊重和包容。每隊派四位球員作賽，隊伍進攻時需要4位隊員同步接觸Kin-Ball，防守隊伍則要接往擊球，避免Kin-Ball接觸地面，若防守隊不能接住擊球，則被判犯規，其餘兩隊得分。
 
 
 

李蘊接受葉文輝《梨事會》節目錄音訪問

 
李蘊接受葉文輝《梨事會》節目錄音訪問
童年回憶殺 透露Cream兩位成員最新近況
離婚兩年半 好姊妹介紹對象 無奈男方「開口埋口講英文」
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=53577
https://jollyc.blogspot.com
 
 
（香港– 2025年6月13日）前女子組合Cream成員李蘊（Renee）近日攜全新單曲《由自可》回歸樂壇，她到新城廣播接受葉文輝（啤梨）主持的《梨事會》節目錄音訪問，這是她時隔12年後首次以歌手身份亮相電台節目，不僅暢談音樂創作理念，更首度公開離婚後的心路歷程，展現單親媽媽的堅強與蛻變。
 
節目甫開始，啤梨和李蘊都忍不住話當年，李蘊自爆12歲入行時的趣事：「我成日喺新城『搞搞震』，啲工作人員好驚我走失，我成日去睇人哋啲枱有咩玩，哈哈！」她透露自己雖是Cream中年紀最大的成員，卻因性格內向甚少發言，更自嘲「講嘢唔叻，成日跟人口水尾」。問她可有跟其餘兩位成員盧嘉寶（Carpo）及陳曉彤（Hilda）聯絡？李蘊透露從社交媒體上得知兩人近況，「佢哋都移咗民，嫁晒外國人，生埋小朋友。」
 
談及人生轉折，李蘊透露已離婚兩年半，9歲女兒和7歲幼子現時跟隨前夫在廣州生活，她每星期會中港兩邊走，「我會每星期接佢哋去玩，反而咁樣學識珍惜，因為日日對住小朋友會發癲，一星期見一次會變得好溫柔，亦唔捨得鬧佢哋。」
 
被問好姊妹何超蓮和鄧紫棋可有介紹對象？她表示：「以前有啲聚會都有男仔，但嗰啲男仔好多講英文，開口埋口全部英文，得兩句中文，我真係搞唔掂，都係搵番本地人好啲。」回首過去的20年，33歲的李蘊感嘆：「普通30歲女仔可能仲喺到摸索，或者拍緊拖，但我已經歷好多唔同階段。（會唔會驚咗？）唔會，人生要有經歷先完整。」
 
李蘊解釋新歌《由自可》（意指本可置之不理）與倒序後的「可自由」，傳達「活在當下」的態度：「世界每日都有災難預言，與其擔憂未來，不如珍惜眼前。」MV更首度嘗試AI技術生成畫面，她表示：「因為首歌係自資，所以將預算集中喺音樂品質上，MV就簡單啲。」

 
 

許嘉浩試盡各地頭療 支持李蘊即將回港出新歌

 
許嘉浩試盡各地頭療 支持李蘊即將回港出新歌
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=53250
https://jollyc.blogspot.com
 
 
      著名形象指導許嘉浩(Karl Hui)到銅鑼灣出席頭療養生新店開幕活動,一向深研養生的Karl除了每周定期去做養生按摩外, 還會去做頭療撥筋。他表示多年前香港不多頭療採耳洗眼等的專門店舖,但他經常到國內、台灣、越南出Trip時也必定去做頭療, 開通頭部多個穴位及經絡, 非常養生。活動上更分別有中式撥筋、日式頭浴、韓式花浴、越式洗頭等各地特色頭療體驗, Karl大讚並指之後可以留港消費,享受一地集各地頭療療程了。適逢同場的好友林寶玉(Connie)剛踏入35歲生日, Karl特地準備蛋糕香檳在場慶祝。Connie更即時貼出相片表示好開心: 「友情不變! 衰鬼,簽第一間公司第一單文柔Job識你。十幾廿年都無變! 有心 多謝你」從讀書認識近20年, Karl亦相當識做, 醒Connie按頭之道, Connie大讚非常舒服。負傷上陣的Connie表示手傷發炎要覆診,正面的她笑言可能為她與靚仔醫生製造機會。屬馬的她被指今年行運,愛情事業兩得意,並積極進修發展自媒體新事業。
 
     問到同樣相識愈二十年的好友李蘊最近傳出離婚消息。Karl表示佢自己私人感情就不方便講太多: 「由佢少女十幾歲識佢,既係朋友又同佢做Management。佢大大小小嘅事都一定支持佢, 開心見到佢積極迎接佢嘅第二人生。最緊要身體健康,開開心心。」他亦透露Renee將於下周回港投入一連串工作, 為對方安排到電視台拍攝節目及洽談母親節工作。亦鼓勵佢重入錄音室錄製新歌, 預告以正能量的作品示人。

李蘊重投恩師Peter Chiu旗下簽約輝皇娛樂

 
李蘊重投恩師Peter Chiu旗下簽約輝皇娛樂
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=47728
 
 
李蘊（Renee）於2003年被當年經理人Peter Chiu睇中簽約成為輝皇娛樂旗下藝人，一直受公司力捧，直至2015年下嫁現任老公羅章冠榮升人妻兼跟隨對方到內地發展，並先後誕下一女一子湊成好字，Renee見一對仔女開始長大兼決定復出，靜極思動，12歲出道，到今年剛好18週年，一直對幕前演出非常熱忱的Renee，在衆多粉絲的支持下，決定飲水思源重投Peter Chiu旗下公司輝皇娛樂懷抱，並簽下1314(一生一世)長約，Peter由細到大一心一意栽培她，所以Renee希望一生一世都有Peter照顧及保護，能夠重新開展及開拓更多工作機會，為了配合娛樂工作未來將會中港兩邊工作。
 
去年緊急入院切除脊椎腫瘤的Renee被問到是否已康復？她說：「係啊！已經康復！覆診時醫生話傷口埋得幾好！照X光裡面嘅螺絲位置都正確！不過醫生話我皮太薄無咩肉，隔住層皮都摸到螺絲！哈哈哈！」
 
中港兩邊飛，會否擔心未能照顧子女？Renee完全不擔心：「其實廣州好近，直通車都只需兩個鐘車程，以前未有疫情，我都成日中港兩邊走，我媽咪幫忙照顧兩個小朋友，所以我好放心！」
 
Renee開心表示今次復出獲老公支持：「小朋友出世之後，我留在屋企做咗幾年全職媽媽，依家小朋友開始大，我有多啲時間做其他事，老公都好支持我做返我喜愛嘅嘢，例如唱歌拍戲，30歲，話大唔大；話細唔細，趁住仲有理想仲有活力，應該繼續充實自己！只係老公平時比較低調，哈哈！」
 
 與鄧紫棋及何超蓮成閨蜜的Renee問到會否邀請鄧紫棋合唱作復出頭炮？她說：「三姐妹各有各忙，同埋佢地主要市場都在內地，好開心見到佢地做得好好，我呢位人母都要努力先做好自己，做個好榜樣！」