張若希第一年跟唐韋琪拜年
向老師催婚 期待收雙封利是
轉載自: Star.Starphoto、Jolly的今日星蹤, 查看全部相片請前往:
唐韋琪姐姐(Vikki)的17歲愛徒張若希(Cheyenne)，去年才出道，今個新春是Cheyenne第一年向經理人兼唱歌老師Vikki姐姐拜年，第一年逗得Vikki姐姐的利是，Cheyenne話開心到飛起，問她是否因為大利是所以咁開心？她興奮說：「我未拆呀，媽咪話要過咗新十五才可以拆利是，其實只要有利是逗，唔理大細，一樣咁開心，利是係一個意頭，長輩送給後輩的祝福。」
她並透露每年都沒有特登去數逗到幾多利是錢，她都原封不動全部儲起：「所以我唔知道最多一年利是錢收到幾多呢！儲到有大計劃的時候才拎嚟用，我的投資係想買樓比我爹哋媽咪住！」並斗膽向經理人兼老師的Vikki催婚：「其實我最希望逗到Vikki 姐姐嘅結婚雙封利是，哈哈！」對於被愛徒催婚，Vikki笑言：「咁佢有排等喇，哈哈！」
Cheyenne並表示本來計劃今年初一、二與親戚拜年團聚後就全家去旅行，但因為疫情關係，唯有乖乖地留在香港：「所以全個新年都是拜年，不過就為免聚太多人，好多團拜都取消咗，利是都逗少咗好多，今年經濟咁差，我好明白，我就完全唔計較有冇利是，有得拜年已經好開心。」
向老師催婚 期待收雙封利是
轉載自: Star.Starphoto、Jolly的今日星蹤, 查看全部相片請前往:
沒有留言:
發佈留言