溫碧霞到上海出席自資的花店開張
轉載自: Star.Starphoto、Jolly的今日星蹤, 查看全部相片請前往:
溫碧霞（Irene）今年大展拳腳殺入商界，一口氣開展紅酒及花店生意，早前她飛到南澳洲巡視酒莊後，昨日（20日）再飛到上海為「花里」花店新店參與開張儀式，並順道視察一下花店業務及與股東們開會。
Irene開心表示投資的「花里」花店，投資時在大陸只得12間，在短短半年內，已擴充到20間，問她會否計劃在香港開店？Irene說：「香港一定會開呀，依家已經睇緊店舖，有兩個心水地方，會先㨂其中一個地方開第一間店，唔想喺香港一開就開兩間咁多，希望慢慢嚟唔好急，做得一定要好及要有口碑。」
她再表示真係好開心，好知足，她的夢想陸續一一成真：「以前好想開花店同有自己品牌嘅紅酒，估唔到喺今年一次過實現晒。」而她開花店，除了一直喜歡花，家裡每天都會擺放一大束靚靚鮮花美化屋企之外，她並鼓勵女士們向自己夢想進發，放膽去實現自己夢想，她說：「好多女仔結咗婚後就不再工作，依賴着丈夫，但我覺得女士們就算結咗婚，不要因為家庭而放棄自己夢想及工作，家庭與夢想絕對可以同時兼顧，最讚成女仔開花店，對住靚嘅花人又開心，又可創一番事業。」
沒有留言:
發佈留言