溫碧霞正身在泰國為新片《墮落花》拍外景
氣溫高達攝氏35度焗足全日天然桑拿
轉載自: Star.Starphoto、Jolly的今日星蹤, 查看全部相片請前往:
溫碧霞(Irene)最近為擔正主角的英皇電影新片《墮落花》落足心機拍攝，全副精神都放在該片。前日（18日）Irene為該片飛到泰國拍攝外景，到達泰國後，隨即分秒必爭埋位開工，一向怕熱的女神在氣溫高達攝氏35度下拍攝外景幾乎被熱溶，貼心的劇組人員為Irene準備了充足防曬功夫，出動太陽傘及風扇仔之外，還準備了大量沙冰及美味甜品給大家解暑。
Irene感謝劇組人員貼心安排：「我地時間好趕，日日都要趕工開足全日，呢幾日仲要開早班，早上7點通告，大清早5點就要起身梳妝，今朝都係5點起身，拍到依家晚上11點幾，啱啱至收工，今次完全冇時間出去食嘢，冇得出去玩啦，不過劇組好貼心，整咗好多好好味泰國菜，就算冇時間出去歎美食都冇所謂，佢地整的沙冰同甜品亦好好味。」
泰國這幾天氣溫相當酷熱，就算做足防曬措施都熱到香汗淋漓全身濕透，Irene雖然好怕熱，但也非常專業，完全無怨言，仲全情投入拍攝，Irene體恤說：「連續三日都要拍外景，每日外景都熱到好似焗桑拿咁，工作人員同我地演員一樣咁辛苦，所以更加要落足功夫演，唔可以浪費大家的心機。」
沒有留言:
發佈留言