朱晨麗執掃把怒追賊惡樣出曬嚟
與《大醬園》唐狗非常合拍
轉載自: Star.Starphoto、Jolly的今日星蹤, 查看全部相片請前往:
無綫花旦朱晨麗(朱朱)正努力拍攝民初新劇《大醬園》，幾乎每日都要好大體力拍攝，每日都要踩著搵食三輪車四圍送貨，日前仲同何廣沛拍攝一場追賊戲，唔好睇朱朱平時講嘢陰聲細氣，斯斯文文，追賊時再遇上同何廣沛鬧交仲要畀賊人趁著佢地鬧交乘機走甩咗，朱朱嬲到噴火，隨手執起掃把怒追賊人再併命同賊人搏鬥，朱朱惡起上嚟好有氣勢。
《大醬園》發揮咗朱朱女強人一面，亦表現了朱朱溫柔一面，劇中有一隻好可愛的唐狗，不用埋位時，狗狗經常會跟著朱朱，提起呢隻狗狗，朱朱讚說：「狗狗好乖，好聽話，佢都好聽我話，叫佢sit就sit，劇情需要拍狗狗食肉，將舊肉放喺狗狗前面，同佢講『Eat』，佢至會走過去食，如果冇叫佢『Eat』，佢唔會自己走去食，真係好聽話，可能我有養猫，同動物比較易溝通，唔洗埋位時，佢又會黐埋嚟嗲你陪著你。」
沒有留言:
發佈留言