廠長鄭中基望培育新人

 
廠長鄭中基望培育新人
「機動兵工廠」投人七位數字啟動計劃
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49695
https://jollyc.blogspot.com
 
 
鄭中基（Ronald）早年成立機動娛樂，建立Youtube頻道為大家帶來不少歡樂，今年適逢頻道成立3週年，更決定成立「機動兵工廠」，招募對演戲有熱誠的演員。
 
今日（6/4）「機動兵工廠」正式啟動，Ronald率領 6位學陸維德，林美圻，周芷慧，何求，陳昭煊，李煥林參與開鏡拜神儀式。
 
作為廠長的Ronald透露舉辦招募學員，一共有600多人參加，經過重重篩選最終選出了這6位成員。對於揀選學員的準則，Ronald直言視乎他們的表現，所以會揀選最自然同舒服的參加者。他說：「揀嘅時候都有掙扎 ，但有啲參加者太緊張！」而為什麼只有6位學員，Ronald表示：「因為希望係三男三女，好配合啲，呢個都唔係大型嘅活動，係好似 workshop咁，一共會推出8集，最後一堂先選定簽邊個學員，但呢次活動沒有淘汰，希望每位學員可以從中學到野，有助佢地未來發展。」
 
提及到節目製作預算，Ronald直言達七位數字，還邀請了強大導師陣容包括楊偉倫（卵） 、楊詩敏（蝦頭）、周恩恩（配音導演）陳茂賢（《不日成婚》導演）及謝君豪，他說：「我想試下喺YouTube做到電視規模嘅節目，一邀請佢地都好快應承。」