溫碧霞與老公何祖光北海道田園慶祝結婚19周年紀念
新片《墮落花》入選亞洲電影節呼籲大家一定要睇
轉載自: Star.Starphoto、Jolly的今日星蹤, 查看全部相片請前往:
溫碧霞（Irene）與老公何祖光（Kenny）因為經歷過曾經失去，而變得更加恩愛及珍惜，今年為兩人結婚19周年，日前兩人飛甩囝囝Xavier飛到日本北海道享受二人世界賞紅葉慶祝浪漫結婚周年紀念。
Irene與老公Kenny遊玩了北海道多個地方，最開心到充滿田園風味的二世古欣賞滿天紅葉，遍地鮮花及廣闊田野，完全享受大自然寧靜，叉足電回港再衝刺工作。
Irene心情靚靚說:「周年紀念我地想揀一個舒服又人煙稀少的地方慶祝，所以揀北海道，我好鍾意北海道，每次來到呢度欣賞大自然風景份外安靜舒服，呢度好舒服，我地浸下溫泉，食下日本美食，最愛吃日本水果，新鮮又香又甜，我地每日都冇計劃行程，一早起身，想到邊就去邊，四處走走看看呢度好靚的風景、名勝已經好開心。」
Irene擔正主角的新電影《墮落花》花了不少心機拍攝，她好開心《墮落花》入選亞洲電影節「隆重呈獻」世界首映，她開心說：「叉足電返港要即刻繼續努力工作，好開心呀，可以入選亞洲電影節，《墮落花》拍得好好，全個團隊都落足心機去拍，大家到時一定要欣賞。」
沒有留言:
發佈留言