朱晨麗拍新劇《大醬園》踩三輪車撞車
何廣沛及時英雄救美避過受傷一劫
轉載自: Star.Starphoto、Jolly的今日星蹤, 查看全部相片請前往:
無綫花旦朱晨麗(朱朱)劇集一部接一部，早前因拍攝新劇《法證先鋒IV》動作戲不慎扭傷手肘甩骹，再加上積勞成疾導致頸椎嚴重移位，舊患未好，又正忙於為民初新劇《大醬園》開工，在劇中飾演醬園女工夏小滿，日前拍攝踩三輪車送貨，為第一個鏡頭練習時即撞車，幸得何廣沛及時英雄救美避過受傷一劫，不過已足夠令朱朱嚇餐死。
朱朱仍猶有餘悸：「我之前從未踩過三輪車，今次係第一次，第一日踩，就要踩斜路仲要大轉彎，正式埋位之前，導演陪我練習試戲，我一上車，何廣沛坐喺我後面，劇情需要他拍一拍我背脊叫停車，我就即刻撞咗，好彩佢（何廣沛）反應好快即刻救我，嚇到大家都好驚。」
她表示因為劇情係三十年代，她是大醬園的女工，要經常踩三輪車去送貨，為求逼真及配合劇情，她踩的三輪車好舊：「呢部三輪車已經好大年紀，老過我，好多嘢都爛曬，自己又冇踩過三輪車，好難控制。」
第一場戲練習已險生意外，她非常感謝導演好有耐性地不停陪她練習，她說：「經過導演訓練，練咗好多次才順利拍攝，不過真係好驚。」
沒有留言:
發佈留言