李龍基接受新城《開心大派對》節目訪問

 
李龍基接受新城《開心大派對》節目訪問
預告個唱造型向家燕姐請教學跳《APT.》
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52448
https://jollyc.blogspot.com
 
 
(香港– 2025年2月22日)李龍基(基哥)今日(22日)現身新城接受薛家燕、范振鋒、思敏《開心大派對》節目訪問，宣傳2月25日於文化中心舉行的《李龍基笑看人生演唱會 2025》，透露到時會演唱經典金曲之外，亦會唱大家從未聽過的，但就表示不是唱時下歌手的歌曲，覺得好難記，更大讚家燕姐好勁，識唱識跳熱爆的《APT.》，並請家燕姐教他跳《APT.》。
 
基哥遺憾未演過和尚
基哥並預告演唱將以大家完全估不到的造型亮相：「會好特別的，一定不是皇帝造型，分分鐘可能係和尚…….唉，講起都好遺憾，咩角色都演過，唯獨未演過和尚，好想試下剃光頭感覺。」他並謂，因為揀了太多歌，被逼要cut歌：「cut歌會好心痛，唯有cut講故事，反正自己唔擅長，留日後再到榕樹頭講，哈哈!」
 
自幼家貧父親好艱難才買到45元小提琴
阿范問基哥有沒有留意現今的樂壇，基哥表示：「有呀，我鍾意樂隊MR.及Rubber Band，以前玩Band，但不唱歌，當時隊友唔知我識唱歌。」家燕姐即爆基哥玩小提琴好叻，提起玩小提琴，基哥就講起幼時家貧，如何沒錢學會小提琴：「好細個時，已經好鍾意玩小提琴，求阿爸好耐，才可以買到一個45元小提琴，因為家境好困難，沒錢向老師學，我係自學的。」
 
讀夜校及睇「讀者文摘」學英文
基哥童年屋企好窮：「父親一對手養15個人，父親只讀到小學二年級，父親有兩個媽媽，兩個老婆，大哥及二哥見家境窮而輟學，兩個阿哥都讀好少書。」阿范驚訝問基哥的英文如何可以咁叻？基哥娓娓道來：「我自已識英文，因為當年在『嘉頓』做工程師，公司有好多外國人同事，最初跟外國同事溝通完全口啞，唔識聽又唔識講。我覺得唔係辦法，就去讀夜校，又買有中英對照的「讀者文摘」來睇，又不停睇英文書。」
 
詳細節目內容，請重溫2月22日，下午3-4時，新城知訊台《開心大派對》節目，網址：https://www.metroradio.com.hk/MetroInfo/