「IKEA宜家瞓身大派對」開始！

 
「IKEA宜家瞓身大派對」開始！
星級用家陳凱琳「瞓身」支持 分享睡房佈局秘訣
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=52508
https://jollyc.blogspot.com
 
 
（香港‧ 2024 年 8月 23日）IKEA一直致力為大眾締造更美好生活，提供各式各樣的布置靈感及好品質的傢俬家飾產品。而今年更重點推廣有關睡房睡眠的主題，致力以六大方面，包括：舒適感、光線、溫度、聲音、空氣品質以及布置收納，幫大家打造最適合自己的睡房，務求令人人都可以「睡好覺，做好夢」！為了讓大眾有機會可更進一步了解和體驗，IKEA於8月23日在九龍灣店內舉辦「IKEA 宜家瞓身大派對」活動，並邀請了藝人陳凱琳（Grace）作為星級嘉賓，親身到場分享她的睡房佈局秘訣！
 
為瞓好覺 向IKEA偷師
剛與老公外遊回港的Grace表示自己一向有認床問題，所以每次出遊最想念便是家中的睡床，對睡房的布置更猶其重視：「睡房對我嚟講係好重要，喺佈置上最緊要可以令我放鬆到同瞓得好，可以一覺瞓天光第二日精神就會特別好。所以我成日都會行IKEA，留意佢地嘅睡房設計，從中偷下師，試試喺舒適感、光線、溫度、聲音、空氣質素同整齊收納，六方面入手令睡眠質素變得更好。」
 
廿四孝媽媽 為三子打造睡房佈局
Grace身為「廿四孝媽媽」為了三個囝囝的睡得好，不但在房中擺放了FÖRNUFTIG空氣清新機，更會對按他們的睡眠習慣做調整，更笑言這些都是甜蜜的負擔：「我好重視睡前講故事嘅親子時間，所以為咗令佢地投入故事，同埋易啲入睡，會特別留意光線同聲音嘅擺設，會揀一啲造型比較可愛嘅床頭燈，好似呢款VAPPEBY 藍牙喇叭，可以用嚟做氣氛燈，又可以播埋音樂，令佢地聽故事更加有氣氛。有時個氣氛真係太舒服，仲會搞到我講講下都一齊瞓著。」另外Grace亦大方分享自己讓囝囝在炎熱天氣下都能入睡的法寶：「唔開冷氣小朋友熱到出哂汗，開冷氣又驚佢地會攝親，好彩之前留意到IKEA嘅涼感寢具系列，用咗透氣又吸濕嘅REXBEGONIA降溫涼墊幫手，等佢哋瞓落床時會涼啲，又唔需要開到冷氣太大。我啱啱去布吉旅行時都帶埋一張大size嘅舖床，瞓得舒服啲。」
 
睡前「執房」減壓 難忍睡房混亂
Grace在活動中更透露自己不時會在睡前以「執房」來減壓放鬆：「我好怕間房太混亂，如果有好多雜物或者衣服周圍放反而令我望見唔舒服，瞓得唔好，所以我習慣喺睡前會執下間房，而且喺整理嘅過程中可以放鬆一下自己嘅心情，好似清空緊當日嘅煩惱咁，都幾治療。」