麥德羅65歲生日興奮期待長者咭

 
麥德羅65歲生日興奮期待長者咭
壽宴行善積福禮金捐贈低入家庭小朋友唸書
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=50971
https://jollyc.blogspot.com
 
 
(2023年12月8日) 麥德羅(Robert) 將於12月10日65歲壽辰，女友Apple姐(劉麗萍)昨晚 (7日)於尖沙咀某酒樓筵開11席，為Robert提早舉行壽宴慶生。
 
Robert興奮表示好期待過兩天65歲，可以申請長者咭：「我依家已經有樂悠咭，過兩天再攞埋長者咭，坐巴士、港鐵、小巴都只係兩元，長者咭仲有好多購物優惠，最開心睇戲只係30元，我成日去戲院睇戲，支持香港電影嘛，自己呢行出身，梗係要支持同行入戲院，又可以充實演技。」
 
65歲壽辰，除了心情大靚迎接長者咭，Robert也心急許下生日願望，他收斂嬉戲，一臉認真許願：「最希望唔好再打仗，世界和平，身邊所有朋友都身體健康！」
 
問到Apple姐送上甚麼生日禮物？Apple即驚叫：「係喎！唔記得買禮物！因為提早咗慶祝，竟然忘記了買生日禮物。」而昨晚壽宴禮金，扣除成本，捐贈給收低入家庭小朋友上學唸書，為Robert行善積福，Apple姐及Robert皆同聲表示年紀大了，做自己想做的事，幫更多有需要的人，錢財夠食夠用就可以，多了也帶不走，倒不如用來幫助有需要的人。