伍詠薇比許嘉浩首邀創立NFT潮牌 大叫興奮

 
伍詠薇比許嘉浩首邀創立NFT潮牌 大叫興奮
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49024
https://jollyc.blogspot.com
 
 
      女星伍詠薇(伍姑娘)出名玩得又夠潮。潮上隠嘅佢趁住最近全球多地名人藝人熱捧NFT(Non Fungible Token,非同質化代幣)之熱潮,走在潮流尖端嘅佢應同樣一向夠潮嘅著名形象指導許嘉浩(Karl Hui)邀請,首次處女下海加盟Karl旗下NFT團隊公司並Crossover推出其NFT潮牌系列。一向具潮流觸覺的Karl指早在2、3年前其實好注重藝術原創嘅外國地區已流行NFT。那時候已經有美國插畫師搵我合作,邀請我為NFT公仔設計造型同襯衫,美國插畫師就畫出嚟推出上市。其後NFT熱潮伸延至亞洲各地,更加橫遍城中名人藝人的社交圈子,亞洲明星周杰倫、余文樂、林俊傑等推出其個人NFT系列後均獲得相當好的成績以及可觀數字的收入。Karl更指其NFT團隊公司不只做香港市場,是國際化的專才團隊,於美國及英國設分公司,今年更擴展至台灣、新加坡及亞洲地區市場。其合作夥伴Parter有具十多年豐富經驗的Crypto(加密貨幣)及NFT投資顧問與數碼媒體Digital Graphics Designs精英,配合上Karl主理PR公關及市場宣傳工作,以及負責形象造型Stylist設計的強項。這「三劍俠」的黃金鐵三角配合得剛剛好,速成了高端時尚NFT藝術品系列面世的誕生。問到推出首輪NFT系列投資了多少? 佢話首輪NFT與Parters合作用了七位數字: 「今次首輪推出NFT系列以女性加藝術時裝配飾為主題,背景故事係大家唔同外表、唔同國籍、唔同膚色嘅潮人都可以喺世界共融。甚至隨住科技發達日出月異,迎接Web 3.0年代的來臨,可以跟隨元宇宙文化一齊去以獨立同各種由Karl設計嘅華麗Fashion造型去皇室瑰麗Party!」國際團隊配合Karl別出心裁的造型設計,Karl以綠色Party Look為主題嘅首個個人NFT系列亦完美面世。一向熱心慈善的Karl更透露即將舉行其首個NFT發佈會典禮,並以東華三院成為受惠機構,將捐贈的一批Feline Soulmate NFT 於東華三院 NFT Marketplace 上架,收益全數捐給東華三院,共襄善舉。
 
     講到今次吸引到潮女伍詠薇(伍姑娘)喺十幾間NFT公司誠意邀約下都情傾加盟Karl之NFT團隊公司。老友鬼鬼嘅Karl表示大家都合作得好愉快同好有火花: 「今次首推首輪NFT以獨立獨特女性為主題,加上公仔設計有貓同潮流藝術元素,又做慈善。我第一時間諗到一定係伍姑娘! 加上佢有咁多影視同節目作品咁入屋,都好啱我哋呢個推至唔同地區嘅NFT系列。所以我一拍板做就即刻親自打電話比佢。佢好好,即刻好用心花咗好多時間去了解去認識呢個新嘅NFT, Crypto文化同潮流。曾任編劇嘅佢仲主動咗好多鬼才Ideas互動,可謂一個創意官。又一齊傾下Fashion潮流經,首輪NFT首位合作女星呢個位一定搵啱佢,一拍即合!」而伍姑娘對於首次創立NFT忍唔住大叫興奮! 佢首先多謝Karl咁有膽色邀請佢,在公在私啱傾之餘,仲揚言要同佢鬥潮! 伍姑娘話自己咁多年做過咁多歌、影、視作品,咩角色都有幸試過。對於呢行仲充滿熱誠,孜孜不倦嘅佢不斷努力尋求新發展,新突破,做啲自己未做過嘅嘢:「我自細坐唔定,成日滿腦好多鬼主意。幕前幕後同創意發展,只要係Good Project我都Ok呀。見到周圍好多朋友仔同Artistes朋友都有做NFT做得好成功,我咁潮當然要揀一個好嘅Team去試去做! 揀咗呢個信得過嘅國際NFT團隊,我今舖仲唔揚威海外,成為「國際巨星」哈哈!! 我一向都勇於嘗試,要做得最好! 作品同我一樣,Queen 之中嘅Queen。」謙虛嘅佢多謝Karl同合作團隊教佢唔熟悉嘅NFT, Crypto生態圈嘅文化知識。直言活到老學到老嘅佢自認自己一定係勤力嘅學生,喺歷時半年開發其NFT作品前用足一星期時間同專業團隊上堂同研究:「疫情期間確實大家有一啲幕前工作有所影響,身為宅女嘅我都一定唔會比自己停落嚟,去接觸新嘅嘢,砌好自己滿意嘅首個NFT作品,Keep住增值自己。」問到老公有詐型話佢總係掛住做嘢? 佢就好有霸氣咁話自己性格好似今次NFT系列嘅獨立女性咁,好自強,有自己獨立嘅思想、判斷、品味同事業…自己做咩Project老公都會無限支持。身為資深廣告人嘅老公練海棠都對新科技新設計好有興趣,Sweet爆陪老婆去上堂同鑽研。伍姑娘仲預告話襯好哂潮Look即將出席NFT發佈會典禮,好期待同大家分享佢首個「B.B.」誕生嘅喜悅。佢仲話由於太興奮,Send Message邀請好友出席首個NFT 「B.B.」面世Party時快手只

打了見證「B.B.」面世而被誤會有喜。佢笑言都係喜事,仲自爆已有唔少圈中好友舉腳支持要競投佢首個處女作NFT。據知網上競投內部詢問價底價已達十二萬。NFT發佈後將於九月份揭曉邊個係競投到伍姑娘首個處女作NFT嘅幸運兒。屆時伍姑娘話唔排除快閃現身同呢個有緣人幸運兒送上驚喜見面,有緣嘅話仲可能重開金口即席唱出佢嘅大熱作品《失落於巴黎鐵塔下》做賀禮。伍姑娘表示會愈做愈有Heart,期待下一個系列同更多年青設計師合作以表鼓勵。當然預備好大碌人情卡,同大批圈中好友嚟個NFT潮流Crossover, 誓要成位NFT潮流女王!