17歲張若希首次參加萬聖節派對扮巫婆

17歲張若希首次參加萬聖節派對扮巫婆
唐韋琪親自為徒弟畫鬼妝嚇親愛犬
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=44803
 
 
今日萬聖節(31日)，唐韋琪(Vikki姐姐)的17歲反斗星徒弟張若希(Cheyenne)等咗多年，終於第一年可以畫鬼臉扮鬼參加萬聖節派對，她更頑皮地扮喪屍嚇Vikki姐姐的愛犬「松松」，嚇到「松松」都驚鬼咗她狂吠。
 
Cheyenne表示以前一直好想出去蘭桂坊湊熱鬧，感受一下萬聖節大家扮鬼扮馬，全條街「猛鬼」出沒的氣氛，但因為以前太細個，家人擔心她的安全，一直不准她出去玩。而今年已經17歲，終於可以跟Vikki姐姐及公司同事扮鬼參加萬聖節派對。
 
而今日的巫婆鬼妝，Vikki姐姐親自幫Cheyenne畫，心情非常興奮說：「Vikki姐姐只係用咗20分鐘幫我化完呢個鬼妝，佢一邊化，一邊陰陰笑，好似好大整蠱咁！」
 
Cheyenne表示以前曾經睇過一部電影，好鍾意戲裏的小丑，好陰森又醜様恐佈，但最後Vikki姐姐卻為她化了一個巫婆鬼妝：「Vikki姐姐話襯番我性格喎，睇落好搞笑，雖然未夠恐怖，但係我都好鍾意呀！」
 
她更坦言：「其實我覺得自己都好醜樣，如果做埋表情就更加恐怖，我好喜歡誇張嘅感覺，覺得好釋放，玩下玩下，忍唔住扮埋女喪屍嚇狗狗『松松』，佢俾我嚇到好不安咁吠⋯超搞笑，之後鍚晒安撫番『松松』，俾零食氹番狗狗，即刻唔嬲咯，哈哈！」