胡子彤接受新城《勁爆樂勢力》訪問

 
胡子彤接受新城《勁爆樂勢力》訪問
新歌《我獨自升級》首挑戰R&B 獲黃偉文「廚師發辦」填詞
將拍攝《九龍城寨之終章》 為角色調整飲食：要補充碳水化合物
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=55234
https://jollyc.blogspot.com
 
 
（2026年3月20日 – 香港）胡子彤今天（20日）到新城廣播接受黎莉主持的《勁爆樂勢力》，首次宣傳新歌《我獨自升級》。今次挑戰輕快R&B路線的胡子彤，坦言錄音過程遇到不少困難，「我由小到大聽歌嘅習慣都唔係R&B，所以當我入錄音室時，腦入面冇一個想像空間，完全唔知點算。」
 
他透露曾一度想過放棄：「我直接問監製徐浩，不如算啦，搵另一首歌。但團隊冇人放棄，點解我要放棄呢？」新歌邀請到黃偉文（Wyman）操刀，胡子彤形容Wyman是「廚師發辦」，沒有給予任何創作方向，卻能準確捕捉到他的處事態度，「Wyman留意到我處事嘅方式，然後放喺歌詞入面，我覺得好犀利。」
 
新歌MV使用AI創作，胡子彤作為前香港棒球代表隊成員，所以MV中增設了棒球元素，胡子彤坦言棒球對他意義重大：「如果我冇棒球嘅話，我唔會有機會接觸到演藝圈，所以所有嘅起源都係因為棒球。」
 
忙完新歌宣傳後，胡子彤下個月便要投入電影《九龍城寨之終章》的拍攝工作，所以現階段要進行體能管理。他透露現時要多吃一點東西，因為之前戒口期間吃少了飯，主要以肉類為主，導致腦袋不太聽話，影響工作表現。
 
胡子彤表示：「我唔係要參加健美比賽，唔係要見線條，所以適量嘅食物係可以嘅。」他表示會維持目前的飲食安排直至電影拍攝完成，但拍攝期間會適量補充碳水化合物：「一拍就係十幾個鐘，如果唔補適量嘅碳水，會好難集中。」
 
回顧入行將近十年，胡子彤表示沒有想過自己會變成今天這樣，他強調下一個階段的關鍵在於心態上的調整：「心態上要對自己好一啲，可能係要相信自己多啲，畀自己多一啲信心，喺唔同嘅範疇繼續向前衝，繼續去進步。」
 
 
詳細節目內容，請重溫3月20日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/