周禮茂接受《原來生活好快樂》訪問

 
周禮茂接受《原來生活好快樂》訪問
大爆劉德華《獨自去偷歡》歌詞來自大閘蟹宴
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=51525
https://jollyc.blogspot.com
 
 
（2024年4月25日-香港）「新城唱好海洋公園音樂會 周禮茂作品展」即將於6月8日星期六晚上7時假座海洋公園怡慶坊舉行，而新城知訊台台長程凱欣及麥卓華主持的《原來生活好快樂》今日就請來「唱好音樂會」主角周禮茂做嘉賓，大爆填詞背後鮮為人知的故事，原來劉德華主唱的《獨自去偷歡》竟然跟大閘蟹有關？
 
入行30多年、填寫逾700首經典流行歌的周禮茂直言，跟林憶蓮和劉美君兩位女歌手合作最好玩，「我哋三個都係好close喺嗰個年代，因為住嘅地方係樓上樓下好近，好多交流。當時想營造憶蓮係個都巿女性，超越80年代都巿女性嘅性格，佢要變成唔係一定要強悍，但要自主，可以應付面前嘅困難，唔一定要人幫忙，當然佢好希望身邊有個伴侶，嗰種都巿女性嘅觸覺！」
 
而周禮茂為人細心，填詞大膽，說話到位，二人一拍即合，其中一首為林憶蓮填寫的歌曲《自製空間》，令他印象最為深刻的，因當時置身在廣告公司的辦公室，感覺工作沉悶，突然想放下手頭工作填一下歌詞，「就填咗喺好多好多工作繁重嘅地方，點樣可以逃煩惱，去到自己個空間，就有種剎那間嘅抒懷！」
 
劉美君啲歌大膽 有唔出得街嘅歌
當主持程凱欣問到他跟劉美君的合作，除了有不少大膽歌詞，更形容部份帶點露骨。周禮茂笑言曾寫下不少大尺度的作品：「我哋係有啲叫做唔出得街嘅歌，後來我當然有個叫做clean version嘅。其實我唔係覺得唔出得街嘅，我舉例一句歌詞，冚被、揭被；冚被、揭被，但加埋前前後後，你就會有一啲嘢諗喇！」
 
周禮茂自言寫詞「鍾意玩味啲」，更希望讓人一聽到歌詞便有畫面，將人很快帶入去一個狀態，他舉例當年為憶蓮寫的《真想你知道》歌詞，「第一句，不為意紅了交通燈不自知，晝面喺晒度，個心情我唔知，但我寫完呢十隻字已經毛管戙！」
 
被譽為殿堂級填詞人的周禮茂，當年瘋狂地寫下多首經典名曲，靈感泉源不絕，但原來神級填詞亦會遇上「大腦便秘」，主持麥卓華問到他被追趕死線（deadline）交貨時，原來都有不少趣事。
 
「有晩好開心約咗好朋友喺屋企食大閘蟹，蒸好第一個round就收到電話，
收到華仔（劉德華）助手電話，今晚有個錄音期，個studio喺度喇﹐你轉頭可唔可以趕埋首歌詞畀我呀？咁我就話你哋食住先啦，我一啖都未食過，就衝咗入書房。」結果，周禮茂沒花上一小時便完成，而劉德華當年大熱的《獨自去偷歡》就是這麼誕生。
 
不是最後一次 只想大家開party
其後主持程凱欣談到6月8日舉行的「新城唱好海洋公園音樂會 周禮茂作品展」，當晚選了那些將會獻唱的周禮茂名曲歌單時，他透露：「啲滄海遺珠，一定有諗過，但可能真係擺唔到出來，因為短短兩個鐘，希望隻隻大家一聽就識，一聽就有記憶，一聽有共鳴嗰種，最好就耳熟能詳，最好大家可以一齊合唱啦！」
 
不過，當晚的歌單仍在篩選中，周禮茂笑言就連第一首選甚麼仍在掙扎，但他提到有兩首歌《破曉》和《夢了》，當年是分開寫的，相隔一兩年完成，但其後在一次林憶蓮的演唱會中合體變成一首歌，原來兩首歌歌詞首尾呼應，歌曲旋律有部份重疊，亦成為節目《原來生活好快樂》「自主人生」環節中，他所選的「自主人生歌」。
 
最後，周禮茂透露舉辦「周禮茂作品展」音樂會的心聲，直言不會是人生最後一次：「希望令到來嘅人睇得開心，少少感動嘅眼淚，希望賞心悅目。喺一個好好嘅場地，大家好close，喜歡呢啲歌嘅，或者有啲印象、有啲感覺嘅，可以一齊嚟一個party！」
 
詳細精彩內容，請重溫4月25日，早上7-10時，新城知訊台《原來生活好快樂》節目 ，重溫網址：https://www.metroradio.com.hk/MetroInfo/