布偉傑(一哥)父愛大發 教小朋友參加藝術比賽

 
布偉傑(一哥)父愛大發 教小朋友參加藝術比賽
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46946
 
 
     影視藝人布偉傑(一哥)除咗有拍戲外,一直都兼顧教育工作。早前推出了自家教育頻道,以輕鬆嘅遊戲教小朋友英語外。最近佢仲結合傳統音樂學習同音樂創新教育,加盟藝術總監郭文健 先生同前TVB兒童節目主持Harry哥哥(王者匡)合作嘅小朋友藝術中心。以五個唔同範疇教學從小培育小朋友多元化發展,更積極落實推廣音樂普及化以及「音樂欣賞」教育,鼓勵觀眾及小朋友欣賞、了解歷代著名音樂家,培育新生代學習各式各樣樂器及樂理,希望發掘每一位小朋友藝術家。布偉傑(一哥)日前更出席藝術中心
 
搞嘅藝術嘉年華,小朋友可以選擇魔術表演、填色畫畫比賽,仲可以參加萬聖節「講鬼故」比賽。贏咗嘅小朋友學員將可以晉身參加由布偉傑(一哥) 同Harry哥哥(王者匡)教授嘅魔術及英文畫劇課程同樂器證書課程等等。布偉傑(一哥)話活動上見到小朋友好比心機綵排同用心表演,感覺到小朋友嘅童真同天資聰敏,仲比在場嘅小朋友家長話佢父愛大發。佢就話好鼓勵小朋友好似外國較Causal的教學方式學習,以遊戲學習語文同藝術。佢仲話暑假雖然啱啱完結,小朋友們都難以收拾玩樂心情,好多學生嘅家長們都煩惱著如何讓小朋友「放電」之餘,又可以學到一技之長。佢哋都有示範環節,大教魔術表演同講英文故事、講鬼故技巧。仲會跳出班房,喺即將嚟臨嘅萬聖節扮鬼扮馬Cosplay森山大野人,帶小朋友去主題樂園邊玩邊講鬼故,非常過癮。