溫碧霞Deep V現身巴黎時裝周DIOR騷感受深
望集結大家念力疫情盡快結束祝福人人有工開
轉載自: Star.Starphoto、Jolly的今日星蹤, 查看全部相片請前往:
溫碧霞(Irene)在巴黎完成首部法國電影《Happy
Night》(暫名)拍攝工作後，繼續留下來出席巴黎時裝周，巴黎時間昨日應DIOR品牌之邀欣賞秋冬騷，Irene選擇了淡粉紅Deep V吊帶紗裙睇騷，雖然初春的巴黎氣溫仍然寒冷，但因DIOR騷正好在陽光充沛的下午時份舉行，氣溫和暖，再配上棗紅長身皮褸，穿著恰恰到好處。
Irene已連續多年獲DIOR及其他品牌邀請出席巴黎時裝周，今季感受特別深：「以前都會遇見好多香港及大陸明星朋友，但今次因為疫情影響，到依家為止我仲未遇到香港朋友，而大陸藝人因為疫情唔畀入境，外國藝人就有好多，大部份都係來自東南亞、韓國、日本、美國、英國，所以都好熱鬧，只係冇曬熟口熟臉的朋友，希望集結大家念力，疫情快啲過去，大家生活回復正常，人人都有工開啦。」Irene並表示因為巴黎政府認為有病才需要戴口罩，而大家都好自律，拍電影及時裝周都沒有人戴口罩，甚至好難才找到口罩買。
而Irene主演的新片《墮落花》入圍《第15屆大阪亞洲電影節》介紹香港電影的特別環節「Special Focus on Hong
Kong 2020」，Irene毋懼武漢肺炎疫情在日本擴散，如期3月12日起程飛往大阪，並會逗留玩幾日才回港。問她不怕日本疫情？Irene爽快說：「我都去咗巴黎喇，做足防疫戴口罩，帶定消毒用品就冇問題，最緊要每日做運動及飲多啲熱檸檬水，早睡早起，曬多啲陽光，增強免疫力才是最緊要。」
沒有留言:
發佈留言