朱晨麗特意返鄉撐千嬅
「見家長」過節大叫滿心溫暖
轉載自: Star.Starphoto、Jolly的今日星蹤, 查看全部相片請前往:
剛播竣的無線劇《多功能老婆》令朱晨麗（朱朱）及楊千嬅變成好姐妹，雖然劇集落幕，但「姐妹情」繼續升溫！據悉，千嬅近日忙於舉行巡唱，朱朱先後於上海及蘇州現身捧場，蘇州巡唱更「別具意義」！
朱朱表示：「我係蘇州人，梗係要盡「地主之誼」，況且上海睇完覺得唔夠喉嘛。千嬅蘇州嘅演出正值冬至，我帶埋父母去欣賞。嗰場台下嘅反應特別好，千嬅好似萬人迷咁，佢全場都好感性，不停流眼淚答謝粉絲，我覺得佢絕對係一位好值得學習嘅藝人。」
朱朱此行可留3日，欣賞演唱會之餘更陪家人過節：「我有探埋婆婆，成個假期都好溫暖，無論天氣點冷，我都覺得暖笠笠。」另外蘇州盛產大閘蟹，朱朱趁機大快朶頤：「可能好耐冇食過，我竟然控制唔到自己，一下子食得太多野頂住個胃，最後嘔咗出嚟，下次我會節制啲㗎啦，不過食到嘔依然好開心，事關大閘蟹係我童年嘅回憶。」
沒有留言:
發佈留言