梁思浩海豚慶生明寸志偉

梁思浩海豚慶生明寸志偉
轉載自: Star.Starphoto、Jolly的今日星蹤
http://starphoto.joinbbs.net/viewthread.php?tid=8084


早前曾志偉入迪士尼開生日P煙酒粗口橫飛，搞到滿城風雨。估唔到靈異一哥梁思浩擺明挑機，踩入另一主題公園海洋公園開生日會，仲有海豚為佢賀壽添。

4月24日生日嘅思浩，日前其緋聞女友陳彥行夥拍一班好友Kawaii、阿夢岑寶兒等等，數碼電台嘅一班節目主持，秘密為佢搞咗個神秘生日會，帶佢去同海豚玩遊戲、預祝生日大玩驚喜。

其間思浩表示：「我嘅生日會好健康好乾淨，唔單止冇粗口、唔食煙，仲有８個月大嘅海豚BB母子陪我玩，我以前都摸過殺人鯨，但海豚嘅身體質感軟熟好多，感覺好特別。好多謝行姐佢地嘅精心安排，超感動！」佢地一班人更大談環保訊息，叫人珍惜大自然資源，明剃志偉眼眉。


Captions:
1.     梁思浩隔離有行姐同阿夢兩個靚女都唔摸，反而摸海豚笑到睇牙唔見眼。

2.       原來行姐响數碼電台為海洋公園主持新節目《保衛地球大作戰》，乘機為思浩搞神秘生日會。

3&4.  Now tv觀星台獲悉思浩响海洋公園搞「乾淨」生日會，即時派節目主持鄒攝進行獨家訪問。