陳曉東接受新城廣播《勁爆樂勢力》訪問

 
陳曉東接受新城廣播《勁爆樂勢力》訪問
東東爆新歌《致我們消失的超能力》錄音趣事　暗藏「粗口」諧音
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=55251
https://jollyc.blogspot.com
 
 
（2026年3月26日 –香港）歌手陳曉東今天（26日）到新城廣播接受黎莉主持的《勁爆樂勢力》訪問，為即將舉行的《NEON Reflections 30演唱會》及新歌《致我們消失的超能力》宣傳。東東大談與黃偉文（Wyman）久別重逢的合作經過，更透露廣東話歌詞中有一粒音近似粗口諧音，並在黑膠碟版本中出現，成為另類彩蛋。
 
東東透露今次邀請Wyman為新歌填詞，過程充滿戲劇性：「其實呢首新歌係喺年前，我喺台灣跨年嘅時候發訊息畀Wyman，好想邀請佢。但嗰時佢可能未返嚟，佢有一個Apps嘅訊息唔係經常睇到，到佢返嚟嘅時候就同我講『哎呀，真係唔好意思，依家先睇到你個訊息。其實咁多年，阿東，我好想有機會，好想用心幫你寫一首』，所以2026年我哋把握機會一齊合作。」
 
東東更爆出一個錄音小插曲，他透露廣東話版歌詞中有一粒音，聽起來與粗口相似：「有一個字，我哋喺黑膠碟度調整咗，調整番另外一個音。」他笑言：「因為好似爆粗咁，依家派台版本我唔知有冇攞錯，總之呢個音，我喺黑膠碟裡面有調整。」這個調整過的「粗口音」版本，將只保留在黑膠唱片中，成為歌迷收藏的一大彩蛋。
 
 
詳細節目內容，請重溫3月26日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/