人母鄭伊娜代囡插花做母親節禮物

 
人母鄭伊娜代囡插花做母親節禮物
《東張女神》利穎怡愛上織花贈媽咪
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49775
https://jollyc.blogspot.com
 
 
     藝人鄭伊娜(Ena)除咗早前拍攝ViuTV綜藝節目《廚神奶奶是你媽》之外,亦專注於網絡平台做親子、旅遊、美食KOL。早前她出席慈善插花活動:「我好開心今次獲唐貝詩(Lydia)邀請參與是次慈善活動, 為極度貧窮、三餐不繼、有隱性的身體或情緒病患、失去身份及價值的服務的一群弱勢及邊緣家庭籌款,好有意義。我一直以來都好想學插花,今次終於比我體驗到! 感覺好療癒。而今次嘅主題係母親節,對自己嚟講都有好深感受。因為呢個將會係我過嘅第二個母親節,每日見住囡囡成長,今年佢開始講嘢又有唔同。自己做咗媽媽更能感受到媽媽嘅偉大,本來已經好愛,宜家我會更愛錫我媽媽!」Ena憶起由懷孕期間的經歷多次入院: 「真係生死一線…到囡囡芊豆B出世,傷口痛足三個月行都行唔到…都一日堅持過來為的都是要好好照顧女兒健康成長,一切都會忍過去。」而最難忘嘅事係第一次聽到女女同我講「我真係好鍾意媽媽㗎! I love you」好感動。首次學插花的Ena揀選應節以粉紅色為題的花束插花,暨享受咗一個人母難得Me Time嘅下午,又代囡D.I.Y.做咗個插花送比自己做母親節禮物,一舉兩得。加上今次又做慈善,更加有意義。而Ena亦表示好想帶囡囡一齊去做義工,等佢可以由細到大培養呢個好習慣。
 
     而《東張女神》利穎怡(Joan)雖然未曾成為人母,但對於第一次插花嘅佢呢講,感覺好治癒! 加上其媽媽剛巧喺母親節前會回港,一早研究緊整自家製編織花俾媽媽嘅Joan積極喺活動上向插花老師取經,更想今年做一個特別嘅D.I.Y.花花禮物比媽媽,表示愛意。
 
     同場還有女主持霍嘉恩(Gracey),之前同唐貝詩(Lydia)一齊演舞台劇《戀上12星座》嘅佢話好樂意組團做義工同有意義嘅活動。Lydia得知Gracey同樣為基督徒後,仲介紹咗佢一齊參加《藝人之家》團契,希望同志同道合嘅朋友將愛一齊發揮得更大。