伍仲衡宣布夥拍區永權、蕭正楠搞《HEA TOGETHER LIVE 2023》音樂會

 
伍仲衡宣布夥拍區永權、蕭正楠搞《HEA TOGETHER LIVE 2023》音樂會
三人拍攝演唱會海報互窒互串大放笑彈
區永權笑言賀蕭正楠出道20周年 甘願做和音
伍仲衡笑指兩人出騷講心唔講金
11月7日優先售票 11月18日公開發售
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49369
https://jollyc.blogspot.com
 
 
(2022年11月7日-香港) 音樂人伍仲衡宣布將於2023年1月6日聯同蕭正楠和區永權假灣仔伊利沙伯體育館舉行《HEA TOGETHER LIVE 2023》音樂會，今日（ 11月7日）進行優先售票，門票分別為港幣$780 / $580 / $380，並於AlipayHK 「好賞買」優先先訂票，網址：https://cod.run/b401h8s ， 11月18日城市電腦售票網公開發售，主辦單位「木火娛樂有限公司」及「About Now Entertainment Limited」。
三子日前就為演唱會拍攝海報，大放笑彈。他們十分欣賞今次演唱會海報，影到像時裝雜誌一樣咁型。海報中，三子睡佛般側躺在地上，完全配合主題夠曬HEA！三人解釋點解要叫Hea：「每次有組合出現的演唱會個名都好型，又會用英文名，諗來諗去都冇一個好型的英文名襯到我哋。結果，諗到……Harry(伍仲衡)、Edwin(蕭正楠)和Albert(區永權)，就變咗HEA嘞。」
 
《中年好聲音》評判伍仲衡笑言要俾紅燈蕭正楠
三子還不忘互窒，場面搞笑！以歌手身份入行的蕭正楠回憶當初的唱歌生涯就在灣仔伊利沙伯體育館開始，「2001年參加唱歌比賽就在伊館攞到冠軍啫，當時唱陳奕迅《傷信》。」蕭正楠表示當時有幾千人參賽，區永權提議蕭正楠演唱會再唱，作為《中年好聲音》評判的伍仲衡就笑言：「俾紅燈你！」區永權笑指伍仲衡是殺手。
 
伍仲衡爆兩人出場收費講心唔講金
伍仲衡認真表示當時是靠區永權而認識蕭正楠，「他們上過我studio玩過一次live，一拍即合，大家好多火花，一齊開live唱歌都好多人睇。」區永權即連環炮發笑問伍仲衡：「好多人都上過你live，但都冇一拍即合咩？係咪嗰啲人冇火花？其他上過你live歌手，完全睇唔上眼？」伍仲衡輕鬆接招：「因為嗰啲太貴，你地就……講心唔講金！」區永權回招笑駡對方：「嘩！你個賤人呀！哈哈！我知今次酬勞近乎零，原來俾你啲咁嘅人吸晒。」為了是次演唱會，伍仲衡自爆會創作一首好好玩的3人合唱歌，區永權即時乘機催對方交歌，「等你咋，快啲！」
 
區永權願為蕭正楠出道20年擔任和音
對於今次舉行演唱會，剛好是蕭正楠出道20年，他開心表示，「啱啱叫出道20年，有一個自己音樂會，同歌迷可以有一個好好交代。」區永權讓對方索性將此演唱會叫做《2023蕭正楠演唱會》，區永權擔任和音，伍仲衡負責彈琴。
 
蕭正楠與區永權為今次演唱會笑言要一齊增肥，並指著伍仲衡肚腩：「大家明啦！咁樣balance番啲吖嘛。」伍仲衡即回應：「你（指蕭正楠）千祈唔好呀，增肥唔係個個都好睇。你增肥之後，應該冇晒劇拍，要肥但都要有人鍾意，係功夫嚟架，需要培訓至做到，呢啲叫大隻。」