袁偉豪第二首新歌《馬路英雄》舉行MV試映會

 
袁偉豪第二首新歌《馬路英雄》舉行MV試映會
太太張寶兒、羅家英現身撐場
感謝家英哥友情相助拍MV又現身撐場承諾瞓身報答
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=47966
 
 
袁偉豪（Benjamin）最近推出全新單曲《馬路英雄》，並於今天（20日）於上環舉行MV試映會，太太張寶兒、在MV友情演出的羅家英（家英哥）及多位圈中好友林子善、謝東閔、葉泓聲(Gordan)、與及商業合作伙伴及公司台前幕後製作團隊齊齊出席支持。MV將於今天（20日）晚上8時正式於網上公開首播。
 
Benjamin 表示為了增添MV的浪漫感，特意在MV中拯救女主角楊埕（Sabrina）的情節上，以比較唯美的方式拍攝。「我拯救Sabrina時需由車上抱起佢，而佢就我心口攞把槍出嚟。整個過程都比較順利，好彩佢都唔重，而且佢都好smart，一講即明，所以只係拍咗三個Take就有想要嘅效果。」
 
家英哥在MV友情主演飾演特務老大，Benjamin非常感謝家英哥：「家英哥係一個好好嘅前輩，經常好撐我哋後輩，今次拍攝過程及前後多謝佢付出咗好多耐性，未來有機會希望再搵佢合作，或者佢有咩需要我幫手我都會義不容辭。」
 
而《馬路英雄》一曲整個製作，包括曲詞編監均由Benjamin 一手包辦，他非常感謝唱片監製 Terry Chan：「Terry 係一個好資深嘅音樂人，我同佢喺音樂上有一個好好嘅溝通，佢好了解我喺音樂上想要嘅野，亦好多謝佢今次俾到好大嘅創作空間我於呢首作品。」
 
而MV拍攝Benjamin 則邀請了寧爺（Mihiel）與他共同執導，二人識於微時，自剛入行拍攝電視及電影時便認識，而他亦熟悉整個行內的拍攝流程，於是二人便一同構想出整個MV的故事。在MV取景上，製作團隊找來一個具復古質感的酒吧場景，再配合飛車場景，更特意邀請「錢家班」的吳海棠擔任飛車動作指導，Benjamin 表示感謝他們的幫助，促使我們能於有限時間內完成拍攝。
 
對於第一次為自己擔任歌曲曲詞編監，Benjamin 表示這是一個相當寶貴的經驗：「一開始我哋無論喺錄音方面，或MV 拍攝上都好考慮到觀眾及聽眾的觀感，然而我覺得最重要都係保持自己喺音樂嘅初心，將自己最喜愛嘅音樂送俾大家。而今次呢個好嘅開始亦俾到我好大信心，多謝大家對《馬路英雄》嘅支持。」