Asana 360 -《 B ³ infinite 》 頒獎禮暨集團動向發佈會

 
日前Asana 360 -《 B ³ infinite 》 頒獎禮暨集團動向發佈會請來嘉賓:
方健儀Akina、鐘雨璇Ophelia、鄧健泓(Patrick) 及石詠莉(Sukie)以夫妻檔身份現身。
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46802
 
 
方健儀Akina出名具智慧、主持工作做得出色，經常要用腦去記稿，又要保持轉數快去應付臨場活動，形象健康獲集團青睞邀請為健康產品擔任健康大使，台上進行簽約儀式。
 
Akina表示: 「喺離開電視新聞後好大挑戰，呢幾年多咗唔同嘅工作機會，例如拍廣告、出書、有時仲會親自操刀剪片。多咗嘢做，再加上隨著年紀轉變，集中力、記性都比以前無咁好。初時我都係半信半疑諗住試吓B3呢個產品; 點知當我食完，發現無論記性、皮膚同睡眠質素都有改善，所以我就應承擔任健康大使。另外，女士們都知當年齡漸漸大，容易心神不定，煩躁不安，做完嘢返到屋企唔小心發咗脾氣都唔知，呢個時候受氣通常係另一半，好彩我另一半都明白我，通常好快無事…所以我亦推介專為女士而設嘅健康補充品VITALIZE PEPTIDE 2.0 激活肽 V-Women，唔單止調養自己嘅身體，仲隨時調劑緊同另一半嘅感情，好嘢唔應該自私用，值得推介俾大家改善健康！」
 
數城中恩愛夫妻，大家都會諗起鄧健泓(Patrick) 同石詠莉(Sukie) ，Patrick聽到原來食咗健康產品後可以改善伴侶嘅關係在台上分享: 「好多project 都同Sukie一齊做，例如歌同微電影。不過大家一齊做經常做到好攰，有衝突時難免會有脾氣…」Sukie即表示: 「記得之前拍微電影，有一幕因為我少少錯誤令到要NG，而當時就因為壓力加上比佢一鬧所以喊足6分鐘…Patrick仲要冇即時哄返我! 不過當時我都知大家都有壓力。我哋由拍拖到結婚差不多7年啦，睇返以前嘅相發覺大家都老咗，因為咁我都有首歌《100歲備忘錄》歌詞就係講到要好好記得同珍惜一段關係裡面嘅每個細節，笑容及動人時刻。而我想我哋每一刻都係最愉快最健康。」
 
Patrick: 「我都覺得係老咗，不過我老婆都係keep住咁靚嘅! 疫情期間，少咗出外工作，Sukie知我鍾意食住家飯多咗喺屋企自己煮。不過可能因為疫情，我哋都少咗出外工作，有時音樂人都係比較被動，都有壓力，諗自己可以點改變呢個境況…經常諗到失眠，而第二日可能要拍攝面色自然無咁好，所以都想試d款VITALIZE PEPTIDE 2.0 激活肽V-women 同埋V-Men，希望幫我哋改善問題! 調理好身體，遲d或可考慮生返個小朋友! 」
 
Sukie更即場演譯新歌《Rainy Day》，帶出就算下雨天，晴天總會來臨。就好似疫情…最後都會過去，開心就會接踵而來，只要積極面對!
 
集團公怖A360的主題曲面世，邀請到特約歌手鐘雨璇Ophelia演譯， 即場播放拍攝花絮，Ophelia在台上獻唱主題曲名為《蛻變》並表示: 「首歌係想帶出要相信自己，無論眼前遇到任何逆境，只要有自信心，有感恩嘅心，最後定能跨出困境，破繭蛻變! 」
 
最後，A360一眾管理層與嘉賓: 方健儀、鐘雨璇、鄧健泓及石詠莉台上進行祝酒儀式及大合照，活動圓滿結束。