亞姐練樂儀絕食為許嘉浩任「升Cup」Model
應屆《2020亞洲小姐》練樂儀(Alina)及曾參選今年香港小姐的「英國學霸」-賴彥妤(Vivienna)齊齊以Fit爆身材為著名形象指導許嘉浩(Karl Hui)的華麗晩裝造型拍攝並擔任模特兒。其間更同網民開直播,尤如隔空上演Fashion Show。Karl表示雖然受限聚令影響,因人數所限和二人一枱的措施令很多結婚新人選擇延期,但無減新人訂製婚紗晩裝出外拍攝婚紗相:「近排八成新人們擺酒雖然改期,但好多整咗衫影婚紗相嘅都會照影。多數去遠啲戶外郊外空曠地方影,西貢水浪窩、元朗下白泥、鶴咀同近日芒草熱點大東山都好多人去。」Karl仲話現正籌備2021春秋新晩裝,配合新人去戶外郊外影相,都以大自然花草系列為主題,將於聖誕節前推出。穿上性感晩裝的練樂儀(Alina)話因疫情關係,好多周年晚宴活動都取消了。好耐沒有穿上華麗晩裝示人,趁機會忍唔住自拍咗三十幾張相。佢承認自完成亞姐比賽後就無再跟「地獄式餐單」,解禁後瘋狂食雞煲同大閘蟹。但為咗著Karl幫自己造型嘅貼身晩裝都特地在拍攝前兩日夜晩六點後絕食,仲笑言何況六點後餐廳都禁堂食,天意都助就佢要忍口。其中Karl為貴為《第一屆 亞洲美人魚小姐大賽》三料冠軍嘅Alina揀嘅藍色透視美人魚晩裝令佢愛不惜手,令佢好有衝動帶埋美魚尾跑去海邊影輯相,希望疫情快過。另外谷胸的黃色裙都令Alina身型顯得豐滿:「以前從來唔會揀呢啲色,原來自己都Carry到。貼身晩裝嘅cutting真係好重要,令到我咩都唔洗做就突然升兩Cup。」問到聖誕節將至有甚麼計劃,會唔會去酒店「Staycation」? 她笑説疫情都盡少去啦,而且做護士都要睇下到時更期表。反而多咗朋友話指定檢測中心太多人未必排到隊攞籌,都有問我專業意見先幫佢地做自行檢測。而賴彥妤(Vivienna)話慶幸疫情下仲有工開,有新戲拍。好鍾意讀書嘅佢仲趁有時間增值再讀學位,修讀法律系的她仲透露開始去律師樓實習,果然係「學霸」。
沒有留言:
發佈留言