唐韋琪為愛徒張若希慶祝17歲生日

唐韋琪為愛徒張若希慶祝17歲生日

生日旦糕令若希瘋狂冇晒儀態

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=44670

 

 

唐韋琪(Vikki)昨晚(30日)為愛徒張若希在才藝學校舉行小型生日，慶祝若希17歲正日生日(9月30日)，若希收到兩個精美別緻的生日旦糕，非常驚喜又感動。

 

若希感動說：「經理人公司同我搞咗個生日會，令我渡過咗一個好開心又難忘嘅17 歲生日，經理人Vikki姐姐及公司同事Ken哥哥仲秘密請嚟好多前輩同埋陪住我成長嘅同學一齊慶祝，以往只係一家人食餐生日飯，今年就有咁多鍚我嘅前輩及同學仔一齊渡過，意義更大。」

 

若希非常感激每位出席的朋友送她祝福，還有非常有心思專誠為她設計的兩個生日旦糕，她覺得自己好幸福，感恩說：「當大家推呢兩個旦糕出來時，我驚喜到不得了，完全冇諗過我會有兩個旦糕，仲要係大家特登為我訂造，尤其是扑嗰個旦糕，係我嘅Dream cake，扑開時候簡直令我瘋狂，興奮到癲咗失晒儀態，哈哈，裡面全部都係我最鍾意嘅曲奇餅、朱古力豆、糖果。有咁多人愛錫我，陪伴我，我一定會更加努力、自強不息，我會俾心機讀書及唱歌，唔會令大家失望。」

 

而生日願望，她希望疫情快啲結束，一切回復正常，日日可以返學、唱歌，她笑言：「我真係好鍾意返學校讀書，好鍾意一班同學一齊在課室上課，我又好鍾意唱歌，希望讀書、唱歌都有好成績，哈哈！」