溫碧霞上海隔離玩煮飯仔

溫碧霞上海隔離玩煮飯仔

教大家煲女神滋潤養顏靚湯

感謝上海朋友買餸放門口

轉載自: Star.Starphoto、Jolly的今日星蹤, 查看全部相片請前往:

http://starphoto.joinbbs.net/viewthread.php?tid=44405

(2020年8月12日) 溫碧霞(Irene) 為了工作目前仍在上海接受隔離，但她已在酒店完成了一星期隔離，日前已搬到朋友空置的寓所進行尚餘的一星期，Irene的隔離日子完全不愁苦悶，睇書、睇劇本、做運動，近日搬到朋友家後，更加開心到下廚玩煮飯仔煲靚湯。

Irene十分感謝朋友借出空置的寓所讓她在非常舒適環境隔離，由於在酒店每日三餐都是吃飯盒，已經吃到有點悶，來到朋友寓所見到有廚房非常興奮，馬上大顯身手下廚煲女神最愛的靚湯，仲自拍短片跟大家分享女神養顏靚湯秘方。

習慣每日都飲湯的Irene，終於飲到熱辣辣的老火湯，非常之開心：「今日介紹大家，我喺屋企成日都好鍾意飲的靚湯，木瓜、豆腐、雪耳、三文魚、雞腳、花生，養顏好味，又可以保養皮膚，非常健康，尤其是女仔，依家多咗時間喺屋企，大家可以煮下飯仔，煲下湯。」她笑言日前入住第一日，已忍不住馬上煲最愛的雪耳湯：「材料有雪耳、紅籮筐、粟米、菇、豬骨，我的最愛靚湯超好味。」

Irene並謂女孩子要多喝湯，皮膚就會好：「平時工作太忙，都係工人煮飯，真係好耐冇自己下廚啦，好難得隔離緊都可以煮飯仔，而且一個人對住咁大間屋太無聊，叫外賣嚟到凍曬，所以自己煲湯煮下嘢食，因為我唔可以出街，全靠上海的朋友幫我買餸，放在門口，上海人真係好好，好感激幫我買餸及借屋給我的朋友。」她表示倒數還有三天，8月15日就可重獲自由，之後隨即開工，已有連串工作等著她，但她也會做足防疫措施不會鬆懈。