ViuTV節目《一個人會上癮》 獨家貼身追訪謝安琪「一個人」的旅行
憶起音樂路上低潮 為小朋友唱生日歌竟咪嘴
轉載自: Star.Starphoto、Jolly的今日星蹤, 查看全部相片請前往:
（2019年11月22日‧香港）ViuTV節目《一個人會上癮》於本周六 (23日) 晚上8時30分播放，是個只屬於謝安琪 (Kay)「一個人」的真人show。節目將會貼身追訪台上台下、不同身份的Kay，更會遠赴米蘭記錄Kay「一個人」的旅行，窺探Kay的專屬「Me Time」！
置身於米蘭街頭，看著街頭藝人busking，Kay感概萬分，憶起自己十四年前初出道、尚未正式出唱片的日子。Kay自言天生性格比較怕醜，當時又缺乏公開演出的經驗，固經理人與商場接洽，安排Kay每逢星期日於商場作一小時的busking表演。Kay笑指自己是「緊張大師」，表示那時候的她表演後翌日已經開始會為下次表演而緊張，到表演前一天更會胃痛，有時候表演當天早上還會肚瀉：「我嗰時成日都會鬧自己咁緊張學咩人做呢個行業？點解要擺自己係呢個位置？」Kay又分享busking時的尷尬經歷：「呢件事都唔止發生一次，有時啲家長帶住小朋友、睇緊我彈琴唱歌嗰陣，都會同個小朋友講：『你俾心機讀書啊，唔係第時大個咗就要咁樣做街頭表演㗎啦。』可能busking俾人嘅感覺都係可憐、而且不被欣賞，所以我到而家見到busking嘅朋友都會好想支持吓佢地。」
談到最令Kay百感交集的歌，她直言是她其中一首經典作品《囍帖街》，因為當時歌曲令她受到許多關注，隨之而來卻惹來不少負評，讓她感到壓力很大：「《囍帖街》為我帶來人生最多嘅獎項，甚至攞埋最後一屆四台聯頒的『傳媒大獎』，呢個理應係歌手最璀璨光輝嘅時刻，但偏偏我嗰時嘅狀態最差，可以話係我人生最黑暗的時期。」而說起Kay三年前暫別樂壇的日子，她坦言當時決定要休息是自覺身心健康有問題：「我突然間有一大段中間嘅音域唱唔到，唱歌唔再係令人開心嘅事，我連係小朋友嘅生日會上、所有人高高興興咁唱生日歌嗰時，我都選擇咪嘴冇出聲，因為我唔想聽到自己把聲，嗰刻我就知道我真係病。」
有關ViuTV
香港電視娛樂有限公司致力為全港觀眾提供多元化視聽娛樂，旗下之免費電視業務包括中文頻道ViuTV
99台及英文頻道ViuTVsix 96台； ViuTV為24小時廣播，製作節目包括實況娛樂，家庭綜藝，戲劇，旅遊及資訊等，並提供優質新聞及體育節目。ViuTVsix 搜羅全球娛樂及資訊節目之餘，更與權威新聞網絡及自製國際新聞組成多條時段，及現場直播各項世界體育盛事。
ViuTV官方網站 ：www.viu.tv
ViuTV Facebook專頁 ：www.facebook.com/ViuTV.hk
沒有留言:
發佈留言