溫碧霞遊東京賞紅葉浸溫泉
毛巾太細怕醜唔敢影相留念
轉載自: Star.Starphoto、Jolly的今日星蹤, 查看全部相片請前往:
溫碧霞(Irene)又度假啦！今次不是回峇里島的屋企，也不是返美國的探夫家，而是返咗日本東京賞紅葉及浸溫泉，及巡視一下位於六本木高尚住宅區的千萬豪宅。
今次日本之行，Irene飛甩老公Kenny及囝囝Xavier，與幾位女性朋友全女班遊日本，去了富士山浸溫泉及東京賞紅葉，Irene拍了好多風景靚相回來，唯獨欠浸溫泉，她怕醜笑晒說：「梗係冇影相啦，唔影得架，我地去咗富士山浸溫泉，旅館只得露天風呂，分男士區同女士區，每位女士只得一條好細毛巾，根本遮唔到身體，都幾唔慣同尷尬，我地見到對方咁細條毛巾，大家笑咗出來，覺得好搞笑，不過一路浸溫泉，一路欣賞紅葉同富士山，天氣又凍凍地，舒服到不得了。」
Irene表示日本現在天氣最舒服，開始少少冷，但又不太凍，滿個街頭及山頭都處都是一大片紅葉，靚到不得了，她最開心在東京遇見好多之前出席東京電影節認識的朋友，除此之外：「我仲返咗六本木間屋睇下，因為啱啱租約期滿，返去睇下間屋，及安排新租客入住，打點一下，今次真係玩到好開心。」
沒有留言:
發佈留言